ରଥ ଦର୍ଶନ ସ୍ମୃତି ରହୁ

ପହଡ଼ ପଡ଼ିଲେ ସହର ଶୋଇଗଲେ

ମୋ ଘର ବାସେ ଚୁଆ ଚନ୍ଦନ

ତୁଳସୀ ଦୟଣା ଫୁଲଗୁନ୍ଥି ନିତି ରଖେ

ଆସିବେ ବୋଲି ମୋ କଳା ବଦନ ।

କିଦେଇ ପୂଜିବି ଲାଜରେ ମୁଁ ଭିଜି ଦେଖେ

କଳା କାହ୍ନୁ ବେନି ନୟନ

ଅନୁରାଗ ଆଉ ଅନୁକମ୍ପା ମିଶିଗଲା ପରେ

ମୋ ଆଖିରେ ଭରା ସମ୍ମୋହନ ।

ତୁମେ ପଦ୍ମମୁଖ ତୁମେ ନୀଳମୁଖ ଚକାଆଖି

ତୁମ ନୀଳପଦ୍ମନୟନ

ତା ଭିତରେ ଦେଖେ ବିଶ୍ଵ ବ୍ରହ୍ମାଣ୍ଡ ଚକିତେ

ଭାବେ ମୁଁ ଦେଖୁଛି ସପନ ।

ଭୂରୁ ଭୁରୁ ବାସ ଚୁଆ ଚନ୍ଦନେ ଘର ମୋର

ପୁରେଉଠେ ହୃଦ୍ ,କନ୍ଦରେ କମ୍ପନ

ଗୋପରେ ଯଶୋଦା ମହାଭାରତେ ଅର୍ଜ୍ଜୁନ

ରଖିଗଲେ ଖ୍ୟାତି ସୁଗୁଣସମ୍ପର୍ନ୍ନ ।

ମୁଁ ଛାର ନିରକ୍ଷର ଭକ୍ତି ଭାବ କାହିଁ ମୋର

ପୋଛେ ପଣତରେ ଅଶ୍ରୁ ବେନିନୟନ ।

ସ୍ମୃତି ଫାରୁଆରେ ସାଇତି ରଖିବି ଦର୍ଶନ

ଆଡ଼ପ ମଣ୍ଡପେ କରି ଦର୍ଶନ

ତୁମ ରଥ ଯାତ୍ରା ଦେଖି ବେନି ନେତ୍ର ହୋଇବ ପବିତ୍ର

ଘେନା କର ପ୍ରଭୂ ମୋ ଆବେଦନ।