ରଙ୍ଗଗୀତ
ରଙ୍ଗଗୀତ
ନାଲି ଚାରି ଗୋଟି କହରେ ନାଗର
ନାଲି ଚାରି ଗୋଟି ତୁଲ
ନକହିପାରିଲେ ନାଗରରେ
ଦେବିନାହିଁ ପ୍ରେମ ମୂଲ ।
ମନ୍ଦାର ରଂଗଣି ଗୋଲାପ ନାଗରୀ
ଆଉ ନାଲି ତୋର ଓଠ
ନାଗରୀ ଲୋ ଆଉ ନାଲି ତୋର ଓଠ
ରଙ୍ଗ ମାଖିବାକୁ କରନି ହଟ
ନାଗରୀ ଲୋ
ମନ ହୁଏ ଛଟପଟ ନାଗରୀ ଲୋ ।
ରଙ୍ଗ ସାତଗୋଟି କହରେ ନାଗରୀ
ରଙ୍ଗ ସାତଗୋଟି କହ ନାଗରୀ ଲୋ ରଙ୍ଗ କହ
ନକହି ପାରିଲେ ନାଗରୀ ଲୋ
ଯିବି ଛାଡି ତୁଟା ରହ ନାଗରୀ ଲୋରହ ।
ନାଲି ଧଳା କଳା ହଳଦୀ ସବୁଜ
ବାଇଗଣୀ ଆଉ ନୀଳ
ନାଗର ରେ ବାଇଗଣୀ ଆଉ ନୀଳ
ଆଉ ରଙ୍ଗ ତୋଳ ପାଚିଲା ଫଳ
ନାଗର ରେ ଜାଣିବି କେତେତୋ ବଳ ।