ରଙ୍ଗେଇ ନାନୀ

ରଙ୍ଗେଇ ନାନୀ ଲୋ ରଙ୍ଗେଇ ନାନୀ

ପଣତ କାନି ତୁ      ଟେକି ଧରନି

ପାଠ ପଢା ଘର ଅଟେ  ଶୂନ ତୋର

ସଭାନେତ୍ରୀ ହୋଇ ମହିଳା ଗୋଷ୍ଠୀର

ମିଛରେ ଦେଖାଉ ଛଇ ଚଟଣୀ ।।

ଘଇତା ହେଲେଣି ଘରେ ଘରଣୀ

ପିଲାଛୁଆ ଧନ୍ଦା କେତେ ଯେ ପୁଣି

ବାସନ ମଜାଠୁଁ ଲୁଗାସଫା ଯାଏ

ଚୁଲି ଫୁଙ୍କେ ପୁଣି ଦୁଆର ଓଳାଏ 

ସୁନା ପିଲା ପରି ରହଇ ତୁନି ।।

ପଦିଏ କହିଲେ   ରକ୍ଷା ମିଳେନି 

ଯଉତୁକ ଦଫା    ଲାଗଇ ପୁଣି

ମିଛ ସତ କେତେ ନ ଯାନ୍ତି ପରତେ

କଳା କୋଟ୍ ପିନ୍ଧା ହାକିମ ତୁରିତେ

ଦୋଷୀରେ ସଜାନ୍ତି ସେ ଜାଣି ଶୁଣି ।।

ସରକାର କଲେ   ନାରୀ ଆଇନ

ନାରୀକୁ ସମ୍ମାନ   ସ୍ଲୋଗାନ୍ ପୁଣି

ଖୋଲିଲେ ମହିଳା ସଂଗଠନ ପରା

ଯୋଜନା ମାଧ୍ୟମେ ତାଲିମ ଆସରା

ବିଦେଶରୁ ଟଙ୍କା ସୁଧକୁ ଆଣି ।।

ଦେଶ ଡୁବିଯାଉ   କରଜ ଆଣି

ପାକିସ୍ଥାନ ପରି    ହେବ ଅନ୍ଧୁଣୀ

ଆଗକୁ ଦେଖି ତୁ ଚାଲୁଥିବୁ ପାଦେ

ସ୍ବାର୍ଥ ପାଇଁ ଦେଶ ନପଡୁ ବିପଦେ

ମାତୃଭୂମି ମାଆ ସମ୍ମାନ ଜାଣି ।।