ରଜରେ ରଜ

ରଜରେ ରଜ ଆଣି ଆସୁ ତୁହି କେତେ ମଉଜ

ରସ ହସ ଖୁସି ଖେଳ ଗୀତ ନାଚ ସାଜ ।

ରସାଳ ଗହଳ ପତ୍ରାଚ୍ଛାଦିତ ସୁଶେଯ

ରସ ବାସ ହସ ଦୃଶ୍ୟମୟୀ କେତେ ସାଜ ।

ରଚି ସୁରୁଚିରେ ଦୋଳି ନିରିମାଣ କାର୍ଯ୍ୟ

ରସାଳାପ କରି  ବସି ରଜ ଦୋଳି ଶେଯ ।

ରଜ ଗୀତ ଗାଇ ଗାଇ  ଆହାକି ସହଜେ

ରତ ରହି ଥାନ୍ତି ଜନେ ସତତ ମଉଜେ ।

ରଚି କୁସୁମ ରୋଷଣୀ ନାନା ଫୁଲ ସାଜି

ରଜ ମଉଜ ମାନନ୍ତି  ସର୍ବେ ସୁଖେ ମର୍ଜି ।

ରଜରେ ରଜ ବର୍ଷକୁ ବର୍ଷ  ହୋଇ ସଜ

ରଚୁ ଥାଉ କେତେ ନବ ଅଭିନବ ସାଜି ।

ରଙ୍ଗ ବେରଙ୍ଗ କୁସୁମ ମଉସୁମୀ ସଜ

ରହି କରି ଥାନ୍ତି ତୋର ନିରାଜନା କାର୍ଯ୍ୟ ।

ରୂପ ଲାବଣ୍ୟ ରେ ବସୁମତୀ ଉଠେ ରାଜି

ରସର ପୁରବୀ ପ୍ରତି ପ୍ରାଣେ ତୁହି ସ୍ରୁଜି ।

ରୋଧିତ କରାଉ ତୁହି ନିଦାଘର କାର୍ଯ୍ୟ

ରଜରେ ତୁ ଆଣି ଆସୁ ଆହା କି ମଉଜ ।

ରସାଳ ପଣସ ସପୁରୀ ଓ ତାଳ ସଜ

ରସ ମୟୀ କେତେ ସୁସ୍ଵାଦୁ ଫଳ ଭାର ରଜ ।

ରମ୍ୟ ଜ୍ୟୋତି ପ୍ରକାଶରେ ବୃଦ୍ଧି କରିତେଜ

ରଜ ପର୍ବ ଦୋଳି ଝୁଲି ଖେଳି କି ମଉଜ ।