Library
Profile
ରଜ ପାଇଁ ସଜ -ବନସ୍ତେ ଡାକିଲା ଗଜ
ରଜ ପାଇଁ ସଜ -ବନସ୍ତେ ଡାକିଲା ଗଜ
ରଜ ସଜବାଜ ମା ବସୁମତୀ ସଜ
ବନସ୍ତେ ଡାକିଲା ଗଜ
ପହିଲି ରଜ ଝିଅ ବୋହୁ ସଜ ବାଜ
ବନସ୍ତେ ଡାକିଲା ଗଜ
ଗୁଆ ଖୋଳପା ପିନ୍ଧି ଝିଆବୋହୂ ସଜ
ବନସ୍ତେ ଡାକିଲା ଗଜ
ଅଳତା କୁଙ୍କୁମ ଟିକିଲି ପୋଡପିଠା ମଉଜ
ବନସ୍ତେ ଡାକିଲା ଗଜ
ଖିଲି ପାନ ଖାଇ ଦୋଳି ଗୀତ ଗାଇ ହେଜ
ବନସ୍ତେ ଡାକିଲା ଗଜ
ମୋ ଭାଇ ମୁଣ୍ଡରେ ସୁନାମୁକୁଟ ଆସିଛି ରଜ
ବନସ୍ତେ ଡାକିଲା ଗଜ
ଦ୍ୱିତୀୟ ଦିନ ସଂକ୍ରାନ୍ତି ପାଳି ସାଜ ସଜ
ବନସ୍ତେ ଡାକିଲା ଗଜ
ତୃତୀୟ ଦିନ ଭୂଇଁ ଦହନ ରଜ ମଉଜ
ବନସ୍ତେ ଡାକିଲା ଗଜ
ସାଇ ଝିଅ ବୋହୁ ଏକତ୍ରିତ ହୋଇ
ଖିଲିପାନ ଖାଇ ଦିଆନିଆ ସାଇଭାଇ ରାଜ
ବନସ୍ତେ ଡାକିଲା ଗଜ
ତାସ ଲୁଡୁ କ୍ୟାରାମ ଡୁଡୁ ବାଗୁଡ଼ି ହେଜ
ବନସ୍ତେ ଡାକିଲା ଗଜ
ଚତୁର୍ଥ ଦିନ ଠାକୁରାଣୀ ଗାଧୁଆ ବସୁମତୀ ସ୍ନାନ
ବନସ୍ତେ ଡାକିଲା ଗଜ
ବସୁମତୀ ମାଆ ରଜସ୍ୱଳା ହୋଇ ବିଶ୍ରାମ ପାଇ
ଚାଷ ପାଇଁ ଉପଯୁକ୍ତ ହୋଇ କୃଷିଭିତ୍ତିକ ପର୍ବ ଏହି
ବନସ୍ତେ ଡାକିଲା ଗଜ
ମୌସୁମୀ ଆସେ ମାଟିମାଆ ପାଦ ଛୁଏଁ
ଧରଣୀ ହୁଏ ଉର୍ବର ଚାଷ ପାଇଁ ସଜବାଜ
ବନସ୍ତେ ଡାକିଲା ଗଜ
ମେଘର ରଡି ଶୁଣି ଘଡଘଡି ପୁଣି ବେଙ୍ଗ ରଡି
ବନସ୍ତେ ଡାକିଲା ଗଜ
ଆସିଗଲା ମେଘରାଜ ବରଷିବ ଦିଶିବ ସବୁଜ
ବନସ୍ତେ ଡାକିଲା ଗଜ
ମାଆ ମାଉସୀ ପାଳିବେ ରଜ ହେଲେଣି ସଜ
ବନସ୍ତେ ଡାକିଲା ଗଜ
ମୋ ବୋଉ ମୁଣ୍ଡରେ ସିନ୍ଦୁର ଟିପା ଗୋଡ଼େ ଅଳତା
ବାନ୍ଧିଦିଏ ମତେ ନାଲି ରିବନ ଫିତା ସାଙ୍ଗକୁ ଜୋତା
ବନସ୍ତେ ଡାକିଲା ଗଜ ।
