Library
Profile
ରହିଲା ରାଣ
ରହିଲା ରାଣ
ବରଷା ପଡୁଛି ଟୁପ୍ ଟାପ୍
ମନ ହୁଏ ଭିଜିବାକୁ
ରିମ୍ ଝିମ୍ ଗୀତ ବୋଲୁଛି
ମନ କରେ ଗାଇବାକୁ
ଭସା ବାଦଲ ଧାଏଁ ଉତ୍ତରା
ମନ ହୁଏ ଉଡିବାକୁ
ଭିଜା ମାଟିର ମଗ୍ନ ବାସନା
ମନ କରେ ଶୁଙ୍ଘିବାକୁ
ମେଘଧ୍ଵନି ଚଡ଼କ ପ୍ରହାର
ଛାତି ହୁଏ ଧାକୁ ଧାକୁ
ଚପଳା ଚଞ୍ଚଳା ଗାର ଟାଣିଲେ
ମନ କରେ ଲୁଚିବାକୁ
ପତ୍ର ଫାଙ୍କରୁ ଝରେ ଠପ୍ ଠାପ୍
ମନ କରେ ଗାଇବାକୁ
ନବୀନ ସୁମନ ଦୋଳି ଖେଳ
ମନ କରେ ଝୁଲିବାକୁ
କାଗଜ ଡଙ୍ଗା ହଲି ଦୋହଲି
ମନ କରେ ଵନେଇବାକୁ
ଚପଲ ଛାଟେ କାଦୁଅ ପାଣି
&n
bsp; ମନ କରେ ପିନ୍ଧିବାକୁ
ସ୍ୱପ୍ନସ୍ନାତା ମନର ସମ୍ଭାର
ମନ କରେ ଭିଯିବାକୁ
କୁଆଁରୀ ମନର ଗହନ କଥା
ମନ କରେ ଭାବିବାକୁ
ପଶ୍ଚିମ ଜୀବନେ ଅଭାବି ସଂସାର
ମନ କରେ ଛୁଇଁବାକୁ
ଫେରନ୍ତି। କି ବର୍ଷାଭିଜା କ୍ଷଣ
ମନ କରେ ଖୁଣ୍ଟିବାକୁ
ବାଲ୍କୋନିରେ ହାତ ପ୍ରସାରି ଛିଡ଼ା
ମନ କରେ ଯୋଡିବାକୁ
ମଧୁ ଯାମିନୀ ବର୍ଷା ମେଦୁରା
ମନ କରେ କୁଣ୍ଢିବାକୁ
ବର୍ଷା ତୁମେ ଆସ ପ୍ରୀୟ ଥିଲେ ପାସ
ମନ କରେ ରାଗିବାକୁ
ତୁମେ ପୁଣି ଝରି ପଡ଼ ଅସରାଏ
ରାଗ ହୁଏ ଧୁଆଁ ବାଣ
ମନେ ରଖିବ ଆଷାଢ ଶ୍ରାବଣ
ମନେ ରଖିବ ରହିଲା ରାଣ ।
