ରେ କାଳିଆ ଧନ
ରେ କାଳିଆ ଧନ
ରେ କାଳିଆ ଧନ ତୁ ବିଶ୍ଵ ମହାଜନ
ମୁଁ ତୋ ଖାତକ ଜନ
ତୁ ତ ମହାଦାନୀ ମୁଁ ଦୀନ ଭିକାରୀ
ତୁ ହେଲେ ମହାନ ମୁଁ ପରା ହୀନ
ରେ କାଳିଆ ଧନ......।
ରୂପେ ମୁଁ ନୁହେଁ ସୁନ୍ଦର
ତୋ ରୂପ ଅବର୍ଣ୍ଣନୀୟ
ତୁ ସବୁଠୁଁ ସୁନ୍ଦର
ମୁଁ ଗୁଣହୀନ ହେଲେ ତୁ ତ ଗୁଣନିଧି
ବିଶ୍ଵ କାରିଗର
ମୁଁ ନୀଚ ହେଲେ ତୁ ଉଚ୍ଚତର ଜନ।
ରେ କାଳିଆ ଧନ......।
ମୁଁ ତ ଜ୍ଞାନହୀନ ହେଲେ
ତୁ ତ ଜ୍ଞାନ ପାରାବାର
ଶ୍ରେଷ୍ଠୁଁ ଶ୍ରେଷ୍ଠ ତର
ତୁ ରଜା ମୁଁ ରଙ୍କ ତୁ ମୋର ପ୍ରଭୁ ରେ
ମୁଁ ସେବକ ତୋର
ତୁ ମହାପୁରୁଷ ହେଲେ ମୁଁ ଅକିଞ୍ଚନ
ରେ କାଳିଆ ଧନ.....।।