ରାସ୍ତା କଡ଼ ଦହିବରା
ରାସ୍ତା କଡ଼ ଦହିବରା
ବୁଢା ବୁଢ଼ୀ ଦୁଇ ରାସ୍ତା କଡେ ବସି
ବିକୁଥିଲେ ଦହିବରା
ଅତି ଆଦରରେ ଦେଉଥିଲେ ଦୁହେଁ
ଖାଇବାକୁ ଦହିବରା
ବୁଢ଼ୀ କାଟିଦେଇ ପିଆଜ କାକୁଡି
ଦେଉଥିଲେ ବୁଢା ହାତେ
ଲୋକଙ୍କୁ ସଜାଡି ଦେଉଥିଲା ବୁଢା
ଅତି ଆଦରରେ ସାଥେ
ଅଣ୍ଟା ସିନା ଭାଙ୍ଗି ଗଲାଣି ବୁଢ଼ୀର
ଆଗ୍ରହ ଯେ କମି ନାହିଁ
କାମ କରିବାର ଇଛା ଆଗେ ତାଙ୍କ
ବୟସର ସ୍ଥାନ ନାହିଁ
ମିଶାଉ ନଥିଲେ ଅଧିକ ମସଲା
ଯାହା ଦେହ ପାଇଁ କ୍ଷତି
ଲୋକଙ୍କୁ ଖୁଆଇ ଅତି ଆଦରରେ
ଜୀବନ ତ ଯାଏ ବିତି
ଖାଇବାରେ ତାଙ୍କ ସ୍ୱାଦ ରହିଥିଲା
ଥିଲା ପୁଣି ସ୍ନେହ ପ୍ରେମ
ଦେଖି ତାଙ୍କ ସ୍ନେହ ଶୁଣି ତାଙ୍କ କଥା
ପୁରି ଉଠୁଥିଲା ମନ
ପଇସା ପାଖରେ ନଥିଲେ ବି ସେ
ଦେଇଥାନ୍ତି ଖାଇବାକୁ
ଦେଖି ସ୍ନେହ ତାଙ୍କ ପ୍ରଶଂସା ପାଇଁ କି
ନାହିଁ ଭାଷା କହିବାକୁ ।