ରାକ୍ଷୀ ଭିଜିଗଲା

ରାକ୍ଷୀ ଭିଜିଗଲା ଆଖିର ଲୁହରେ

ପଣତ ହୋଇଲା ଓଦା

ଯେଉଁ ହାତ ମୋର ଆପଦେ ବିପଦେ

ସାହା ରହିଥାଏ ସଦା

ପାଉନାହିଁ ସେହି ସୁନାର ହାତକୁ

କିଏ ମୋତେ କଲା ବିଦା

ରାକ୍ଷୀ ଭିଜିଗଲା ଆଖିର ଲୁହରେ

ପଣତ ହୋଇଲା ଓଦା.....।

ଏଡ଼େ ନିରିମାଖି ମୋ କପାଳେ ଆଜି

ନାହିଁ ସେ ସେନେହଁ କର

ହରାଇଲି ଭାଇ ବଇରୀ ପାଖରେ

କମାଣ ରେ ନାରଖାର

ମାଆର ମହତ ରଖିବା ପାଇଁକି

ଶିରକୁ କରିଲା ସିଧା

ରାକ୍ଷୀ ଭିଜିଗଲା ଆଖିର ଲୁହରେ

ପଣତ ହୋଇଲା ଓଦା......।

ମୋର ଭାଇ ଆଜି କାଳିଆ ରଜାମୋ

ପ୍ରଳମ୍ବ ଲମ୍ବିତ ଭୁଜ

ମୋ ପାଖରେ ଠିଆହୋଇଛି ଆଜିରେ

ଦେଶର ସୈନିକ ସାଜ

ବୀର ବାଜା ଆଜି ପଡୁଛି ଉଠୁଛି

ଚାଲିଗଲା ସବୁ ବାଧା

ରାକ୍ଷୀ ଭିଜିଗଲା ଆଖିର ଲୁହରେ

ପଣତ ହୋଇଲା ଓଦା....।।