ରାଜ୍ୟରାଜନୀତିରେ ଜୀବନ

   

ଦିଲୀଠୁଁ ପଲ୍ଲୀ ଯାଏଁ

ରାଜ୍ୟ ରାଜନୀତି ଅଛି 

ବେଶ ସରଗରମ 

ଚକା ଛଉକାରେ ଚଳଚଞ୍ଚଳ

ସମ୍ବାଦ ଲାଗେ 

ପୂରା ଗରମାଗରମ ।

ସାମ୍ପ୍ରତିକ ସମୟେ 

ତଲଠୁଁ ଉପର ଯାଏଁ

ସବୁଠି ଚାଲେ 

ଅର୍ଥ କ୍ଷମତାର  

ବଳ କଷାକଷ

ସତ ମିଛର ଭଉଁରୀ 

ଜାଲ ମଧ୍ୟେ ବଳି ପଡନ୍ତି

କରାଣ୍ଡି ଆଉ ଦଣ୍ଡିକିରି ମାଛ ।

ରାଜନୀତିଆ ଦଳଗୁଡିକ

କରି ପରସ୍ପରକୁ ଦୋଷାରୋପ

ନିଜକୁ ବୋଲାନ୍ତି ଶ୍ରେଷ୍ଠ

ଦୁନିଆଟାକୁ ଭୁଆଁ ବୁଲାଇ

ସତକୁ ମିଛ ମିଛକୁ ସତ

ପିଇଯା'ନ୍ତି ଅମୃତ ଆକଣ୍ଠ ।

ବାଃ ବାଃ ପାଇବାକୁ 

ସୋସିଆଲ ମିଡ଼ିଆକୁ 

ଦିଅନ୍ତି ଲମ୍ବା ଚଉଡା ମତ

ଜନତା ଜନାର୍ଦ୍ଦନ ଜାଣନ୍ତି

ବିରାଡ଼ି ବୈଷ୍ଣବଙ୍କ 

କଥାରେ ଅଛି କେତେ ସତ ।

ଅନ୍ୟାୟ ଅନୀତି 

ଅତ୍ୟାଚାର ସାଥେ ଅଛି 

କେଳେଙ୍କାରୀ ଭ୍ରଷ୍ଟାଚାର

ଚୋରୀ ଗୁଣ୍ଡାରାଜ ମାଫିଆ 

ସାଥେ ପୁଣି ଅଛି 

କଳାଧନ କାରବାର ।

ବେଳୁବେଳ ଦୁର୍ନୀତିର 

ଚେର ମାଡ଼ିମାଡ଼ି 

ସବୁ ଗଲାଣି 

ବେଳ ଥାଉଁ ଥାଉଁ 

ଉପାୟ ନ କଲେ 

ଭବିଷ୍ୟତ ଅନ୍ଧାର 

ଦିଶିଲାଣି ।

ଲୋଭ, ଈର୍ଷା ଆଉ 

ଅହଂ ସାଥେ 

ବିଦ୍ୱେଷ ମନୋଭାବ

ପୁରିଅଛି ମନୁଷ୍ୟ ଉଦର

ସ୍ୱୟଂ ସ୍ୱାର୍ଥକୁ ମଣି 

କରନ୍ତି ତୁଚ୍ଛା ରାଜନୀତି  

ପୁଣି ଦେଖାନ୍ତି ସତେ 

କେତେ ଚାତର ।

ବଞ୍ଚିବା ମରିବା 

ସମାନ ଏଠି  

ବେଳକାଳ ଯାହା ହେଲାଣି 

ଜୀବନ ନୌକା

ଟଳମଳ ଏବେ 

ଘୋର କଳିକାଳ ଆସିଗଲାଣି ।