ଅଭୁଲା ପ୍ରେମ

ଯେତେ ରାଗିବାର ଅଛି

ରାଗିଯାଅ ଏବେ 

ମୁଁ ଜମା ରାଗିବିନି

ତୁମ ଉପରେ କେବେ ।

ସୁଖ ଭାବି ସହିଯିବି 

ସବୁ ଯନ୍ତ୍ରଣାକୁ

ମନ ଭରି ଦୁଃଖ ଦିଅ 

ପିଇଯିବି ଲୁହକୁ ।

ମୃତ୍ୟୁ ପରେ କାନ୍ଦିବନି 

ମୋ ମୁଣ୍ଡେ ହାତ ରଖି 

ତୁମ ଲୁହାଭିଜା ଆଖିକୁ ମୁଁ

ପାରିବିନି ଜମା ଦେଖି ।

ଭାବିବନି ମୋ କଥା 

ଭାବନା ରାଇଜେ ବସି 

ମୋ ପ୍ରତି ଥିବା ପ୍ରେମକୁ

ଦେଖୁଥିବି ଆଖି ବୁଜି ।

ପାରିବ ଯଦି ସିନ୍ଦୂର ଟିକେ 

ମଥାରେ ଦେବ ଲଗାଇ 

ଖିଲିଖିଲି ହେଇ ହସୁଥିବି

ଜଳନ୍ତା ଜୁଇରେ ଶୋଇ ।

ସଧବା ହେଇ ରହିଯିବି 

ଆର ଜନମକୁ ଚାହିଁ 

ଏ ଜନମ କଥା ମନେ ରଖିବା

ଆମେ ଦୁହେଁ ସାଥି ହୋଇ ।