ପୂଜିବି ଶିବ ଶଙ୍କର
ପୂଜିବି ଶିବ ଶଙ୍କର
ପାଳିବି ଜାଗର ଜାଳିବି ଅଖଣ୍ଡ
ପୂଜିବି ଶିବ ଶଙ୍କର
ପ୍ରକଟି ଅନ୍ତରେ ମହାଦୀପ ଜ୍ଯୋତି
ନାଶିବି ମୁଁ ଅନ୍ଧକାର ।
ଅନାଦି ଅନନ୍ତ ତୁମେ ବ୍ରହ୍ମା ବିଷ୍ଣୁ
ମହାଦେବ ମହେଶ୍ବର
ତୁମେ ସତ୍ଯ ଶିବ ଓଁକାର ପ୍ରଣବ
ସୁନ୍ଦର ପରମେଶ୍ବର
ଜନମ ମରଣେ ତୁମେ ଗଙ୍ଗାଧର
ଗତି ମୁକ୍ତି ଜୀବନର ।
ତୁମରି ଇଙ୍ଗିତେ ହୁଏ ଆତଯାତ
ସତ୍ଯ ଧର୍ମ ସୂର୍ଯ୍ଯ ଚନ୍ଦ୍ର
ମଙ୍ଗଳ କାରଣ ତୁମେ ପରଂବ୍ରହ୍ମ
କର ସୃଜନ ପାଳନ
ବାବା ନୀଳକଣ୍ଠ ଶମ୍ଭୁ ଆଶୁତୋଷ
ପାନ କର ହଳାହଳ ।
ତୁମ ଶୁଭ ନାମ ସ୍ମରୁ ମନପ୍ରାଣ
ଅବିରତ ଅନୁକ୍ଷଣ
ଶିବ ସୁସଙ୍କଳ୍ପେ ରହିଥାଉ ଲୟ
ପ୍ରଚଳୁ ହୃଦ ସ୍ପନ୍ଦନ
ଜାଗରଣେ ସ୍ବପ୍ନେ ସ୍ବକର୍ତ୍ତବ୍ଯ କର୍ମେ
ମହେଶ ଶକ୍ତି ସଞ୍ଚ।ର ।