ପୂଜା

ଖାଉଛି ମାଡ ଢେଲାପଥର

ଝଡ଼ବରଷା ସହି

ଦେଉଛି ମିଠା ଫଳ ସରସ

ଆମର ପାଖେ ରହି

ସବୁ ପରାଣେ ରହିଛି ବାୟୁ

ବହୁଛି ଦିବାନିଶି

ତାପାଖେ ଆମଜୀବନ ଡୋରୀ

ଖସିବା,ଗଲେ ଋଷି

ମେଣ୍ଟାଏ ଶୋଷ ବଳ ସାହସ

ତଳକୁ ଯାଏ ଗଡି

ବାଦଲ ଖସେ ସାଗର ହସେ

ଆସଇ ନଦୀ ବଢି

ଯେତେ ହାଣିଲେ ଗାତ ଖୋଲିଲେ

ଗୋଇଠା ମାଡ ଖାଇ

କେବେକାହାର କରେନି ହାନି

ତାପରି ମାଆ ନାହିଁ

ଦେଖିଲେ ଯେତେ ଲମ୍ବିଛି ସେତେ

ତାହାର ଅନ୍ତ ନାହିଁ

ଏମିତି ଦିଅ ଉପରେ ଥାଇଁ

ମନ୍ଦିର ଯିବା କାହିଁ

ସବୁଦେଖନ୍ତି ଦିନ କରନ୍ତି

ଦେଇ ଅଲୋକ ତାତି

ସକଳ ଜୀଵକଂର ଶକତି

ପୂଜିବା ହାତ ପାତି

ଦେଖଇ ଯାହା ଶିଖଇ ତାହା

ପୂଜା ହୋଇବ ସାର

ଫୁଲ ଚନ୍ଦନ ମନ୍ତର ପାଠ

ଧରମ ନୁହେ କାର

ସେଇ ଦେବତା ଆମ କରତା

ପବନ ଜଳ ମାଟି

ତାଙ୍କରି ପାଇଁ କରିବା ଯାଇଁ

ସରାଗେ ମଥା ପାତି