ପୁରୁଣା ପ୍ରେମର କାହାଣୀ

"ଆ" କବିତା

◆◆◆

ଆସିଥିଲା ଜଣେ ହୃଦୟେ ମୋହରି

ପ୍ରେମ ରଙ୍ଗ ଭରି ଦେଇ,

ଜୀବନରେ ଖୁସି ଭରି ଦେଲା ସେ ତ

ସପନ ରାଇଜେ ନେଇ।୧।

ଆଜି ଯେବେ କେବେ ମନେ ପଡ଼େ ସେହି

ପୁରୁଣା ପ୍ରେମ କାହାଣୀ,

ମନରେ ମୋହର ବେଦନାର ଭାର

ହୃଦୟ ଦେଉଛି ହାଣି।୨।

ଆଉଥରେ କଣ ଫେରି ମୁଁ ପାଇବି

ହଜିଲା ଦିନର ସ୍ମୃତି,

ପ୍ରେମ ଦୁନିଆକୁ ଭାଙ୍ଗି ଦେଇ ଯିଏ

କରିଦେଲା ଦିନେ ଇତି।୩।

ଆଖି ଆଇନାରେ ତୋ ଛବି ଦେଖି

ଜିଇଁଛି ତୋ ପଥ ଚାହିଁ,

ମରିବାକୁ ହେଲେ ମରି ତ ପାରୁନି

କେବଳ ତୁମରି ପାଇଁ ।୪।

◆ କେ.ନିର୍ମଳ

◆ ବାସୁଦେବପୁର, ଭଦ୍ରକ(ଜଗନ୍ନାଥି)

◆ ମୋବାଇଲ୍:-୯୫୬୬୧୧୩୬୦୭