ପୁଣି ଦାଦନ

ଦୈନନ୍ଦିନ ଜୀବନର ହସ ଖୁସି ମଧ୍ୟରେ

କରୋନା ଏକ କରୁଣ ବିପର୍ଯ୍ୟୟ ନିଶ୍ଚିତରେ ,

ତଥାପି କଥା ଯେତେବେଳେ ଜୀବନ ଜୀବିକାର

ପୁଣି ଥରେ ଦାଦନ ଖଟିବାକୁ ଯିବାକୁ ପଡିବ ଏଥର .......

ଏମିତି ବି ସଂସାରର ଜଞ୍ଜାଳ , ପେଟର ଭୋକ

କରୋନା ଠାରୁ ମଧ୍ୟ ଲାଗେ ଭୟାନକ ,

ଆକାଶ ଠୁ ପୃଥିବୀ ଯାଏ

ଧିରେ ଧିରେ ସବୁ ଆବରଣ ଖୋଲି ପକାଏ,

ଏଠି କିଏ ଚିହ୍ନେ , ଅଧିର ଆକୁଳତାର ବେଦନା 

ଟଙ୍କା ବିନା , ଅକିଞ୍ଚନର ଜୀବନ ତ ଆବର୍ଜନା ,

କାହାକୁ ଡରାଇବ ମୃତ୍ୟୁ ,

କାହାକୁ ଉଡ଼ାଇ ନେବ ଝଡ !

ଯିଏ ଜନ୍ମରୁ ତୈଳାକ୍ତ ଜୀବନ ବୃତ୍ତର ପରିଧିରେ

ଅହୋରାତ୍ର ଘୂରି ଘୂରି ମରେ , ତାକୁ ...!

ଚେଷ୍ଟା କରି ଭଲରେ ସେ ଦେଖୁ ,

ସବୁ ପ୍ରକାର ଭୟର ଆତଙ୍କରୁ ସେ ଉର୍ଦ୍ଧରେ

ଦାଦନ ଖଟିବାକୁ ଅଛି ଏମିତି ବି ତା ଭାଗ୍ୟରେ ,

କରୋନା ମହାମାରୀ କ'ଣ

ବଦଳାଇ ଦେଇ ପାରିବ

 ଏ ଜୀବନେ ତା' ଭାଗ୍ୟ ରେଖା ,

ସେ ଯେମିତି ଖଟି ଚାଲିଛି ଦାଦନ ବର୍ଷ ବର୍ଷ ଧରି

 ଆଜି କରୋନାକୁ ଆହ୍ବାନ ତାହାରି 

"ଦୁନିଆରେ ଆଉ କିଛି ମାସ ଦାଦନ ଖଟିକି ତ ଦେଖା ...!"