ପତ୍ର ଈଶ୍ୱରଙ୍କୁ
ପତ୍ର ଈଶ୍ୱରଙ୍କୁ
ନକଲ କରୁଛି ଅତୀତ ପାପ
ନବୁଝେ ସମୟ ନଗଦ ତପ ।
ନଭଶ୍ଚୁମ୍ବୀ ମନ ପାରୁନି ସହି
ଆଶା ମୁଁ ରଖିଛି ବୁଝିବ ବିହି ।
ବଢୁଛି ବୟସ ସାରି ଆୟୁଷ
ବଦଳୁନି କିଛି ମେଣ୍ଟୁନି ଶୋଷ ।
ବଞ୍ଚୁଛି ଜୀବନ ସପନ ବିନା
ଖୁସି ବଦଳରେ ମିଳେ ବେଦନା ।
ବର୍ଣ୍ଣୁଛି ଜୀବନ ଶବ୍ଦ ସାହାଯ୍ୟେ
ବରାଦ ବଢେ ଅସଫଳ କାର୍ଯ୍ୟେ ।
ବର୍ଜନ କରିଛି ଜିଅନ୍ତା ଖୁସି
ଅଳ୍ପ ମିଳନ୍ତାନି ଚାହୁଁନି ବେଶୀ ।
ରଜନୀ ସରୁଛି ରଞ୍ଜିତ ହୋଇ
ରସିଦ ମିଳୁଛି ଫଳକୁ ଥୋଇ ।
ରକ୍ତିମ ରକତ ହେଲାଣି ଜଳ
ରକ୍ଷାକର ଈଶ ନସରୁ ବେଳ ।
ଶରଣ ପଶୁଛି ତୁମ ଚରଣେ
ସଂଶୋଧିତ ହେଉ ଇଚ୍ଛା ଜୀବନେ ।
ଷଡ଼ରିପୁ ନସରିବା ଆଗରୁ
ଜୀବନ ବିଳାସ ସମୟେ ସରୁ ।