ପ୍ରୟତମା

ପ୍ରିୟତମା... ମରୁଉଦ୍ୟାନର ଝର

ମନ ଅଗଣାର ତୁଳସୀ ଚଉଁରା

ପ୍ରୀତିର ଅମୃତ ଧାର।

ନିଦାଘେ ପଥିକ ବିଶ୍ରାମେ ସାର୍ଥକ

କଳ୍ପତରୁ ସୁଶୀତଳ ।

ଧାରା ଶ୍ରାବଣର ଅଶାନ୍ତ ଆକାଶେ

ତୁମେ ଇନ୍ଦ୍ରଧନୁ ମୋର।୧।

ପ୍ରିୟତମା... ମରୁଉଦ୍ୟାନର ଝର...

ଶାରଦ ପାର୍ବଣ କାଳେ ମୂର୍ତ୍ତିମାନ

ଅଷ୍ଟଦୁର୍ଗା ରୂପ ତୋର ।

ନିର୍ମଳ ହେମନ୍ତ ବିମଳ ଗଗନ

ସ୍ବାତୀ ନକ୍ଷତ୍ରର ଧାର ।୨।

ପ୍ରିୟତମା... ମରୁଉଦ୍ୟାନର ଝର...

ଶୀତ ସକାଳର କଅଁଳିଆ ଖରା

ପରବର ଦୀପମାଳ ।

ଋତୁରାଜ ଧୀର ମଳୟ ସମୀର

ଦିବ୍ୟ ସୌରଭ ପୂଷ୍ପର ।୩।

ପ୍ରିୟତମା... ମରୁଉଦ୍ୟାନର ଝର...

ତୁମ ଦିପ୍ତି ପ୍ରାପ୍ତି ମୋ ଜୀବନ ଶାନ୍ତି

ପ୍ରାରବ୍ଧର ପୂଣ୍ୟଫଳ ।

ଜନମେ ଜନମେ ମୋ ସଂଗୀନୀ ହୁଅ 

ଏହି ଅଭିଳାଷ ମୋର ।୪।

ପ୍ରିୟତମା... ମରୁଉଦ୍ୟାନର ଝର