ଲାଇବ୍ରେରୀ
ପ୍ରୋଫାଇଲ୍
ପ୍ରଥମ ପ୍ରେମ
ପ୍ରଥମ ପ୍ରେମ
ପ୍ରଥମ ପ୍ରେମ ମୋ ଜୀବନ୍ତ ସର୍ବଦା
ମନ ମନ୍ଦିର ଭିତରେ ,
ଭୁଲି ହୁଏ ନାହିଁ ସେ କୁହୁକ ଦୃଶ୍ୟ
କି ଯାଦୁ ଥିଲା ସେଥିରେ
ପ୍ରଥମ ଚାହାଣୀ ପ୍ରଥମ କାହାଣୀ
ଆରମ୍ଭ ସେଇଠୁ ମୋର ,
ଆଖିରୁ ଆରମ୍ଭ ହୋଇଥିଲା ସିନା
ମନ ମଧ୍ୟେ କଲା ଘର
ଶାଶ୍ୱତ ଥିଲା ମୋ ପ୍ରଥମ ପ୍ରେମ
କାମନା ବିହୀନ ଲକ୍ଷ୍ୟ ,
ଯୌବନ ପ୍ରଥମ ପାହଚ ଉପରେ
ଯେବେ ରଖିଲି ମୁଁ ପାଦ
ମନେ ପଡିଗଲେ ସେ ପୁରୁଣା କଥା
ଭାବନା ରାଇଜେ ଭାସେ ,
ଫେରି ଆସନ୍ତାନି ସେ ଦିନ ମୋ ଫେରି
କି ସୁନ୍ଦର ଥିଲା ସତେ
ଜୀବନ ଅନ୍ଧାରେ ଚନ୍ଦ୍ର ପରି ଆସି
ଶୀତଳତା କିରଣରେ ,
ମନକୁ ମୋହର ବଶୀଭୂତ କରି
ବାନ୍ଧିଲ ପ୍ରେମ ଜାଲରେ
ଶତ ସିଂହ ବଳ ମନେ ହୁଏ ଜାତ
ପ୍ରେମ ରଙ୍ଗ ଯେବେ ଲାଗେ ,
ପକ୍ଷୀଟିଏ ହୋଇ ଘୁରି ବୁଲିବାକୁ
ମନ ଧାଉଁଥାଏ ବେଗେ
ସମୟର ସ୍ରୋତେ ଜୀବନର ଗତି
ମହାକାଳ ଅଧୀନରେ,
ପ୍ରଥମ ପ୍ରେମ ମୋ ସମୟ ସୁଅରେ
ଇତିହାସ ବକ୍ଷ ପରେ
