ପ୍ରଥମ ପ୍ରବେଶ

ଅତୀତର ସେଇ ସ୍ମୃତି ମନେ ପଡେ

ଯେବେ ବଡ ହୁଏ ଆଜି ।

ବିଦ୍ୟାଳୟ ଯିବା ପ୍ରଥମ ଦିନର

ସ୍ମୃତି କୁ ଗୋଟାଏ ଖୋଜି ।।୧

ବାପା ଯେବେ ମୋର ନେଲେ ଚାଟ ଘର

ଲାଗିଲା ଯେ ନୂଆ ନୂଆ ।

ଘର କଥା ଯେବେ ମନେ ପଡେ ମୋର

ରୋଡି କରେ ମାଆ ମାଆ ।।୨

ଗୁରୁଜୀ ଗୁରୁମା ଗେଲରେ କହିଲେ

କାନ୍ଦୁ ଅଛ କାଇଁ ପାଇଁ ।

ଆସ ଆଜି ଆମେ ଗପ ଯେ ଶୁଣିବା

ଆସ ରେ ପିଲାଏ ଧାଇଁ ।।୩

ବିଦ୍ୟା ବଡ଼ ଧନ ସଂସାର ରେ ଧନ

ତା ସମ କେହିତ ନାହିଁ ।

ଆଦରି ନେବା ଯେ ଶ୍ରଦ୍ଧା ସହକାରେ

ଅଜ୍ଞାନି ହୋଇବା ନାହିଁ ।।୪

କେତେ ମିଠା କଥା କହିଲେ ଯେ ମୋତେ

ଲାଗିଲା ଭାରି ସୁନ୍ଦର ।

ଫେରିବାକୁ ଆଉ ଇଚ୍ଛା ହେଲା ନାହିଁ

ଆସିବାକୁ ପୁଣି ଘର ।।୫

କେତେ ନୂଆ ସାଙ୍ଗ ମିଳିଗଲେ ମୋତେ

ଖେଳିଲି ତାଙ୍କରି ସାଥେ ।

ପରାମର୍ଶ ଦେଲେ ଗୁରୁଜୀ ଗୁରୁମା

ଚାଲିବାକୁ ଗୁଣି ପଥେ ।।୬

ଗୁରୁଜନ କଥା ନ ମଣିବ କେବେ

ସେତ ଜୀବନ୍ତ ଠାକୁର ।

ନିତି ପ୍ରାତେ ସନ୍ଧ୍ୟେ ଗୁରୁଜନ ପାଦେ

କରିବ ଆଗେ ଜୁହାର ।।୭

ବିଦ୍ୟା ଅଧ୍ୟୟନେ ପ୍ରଥମ ପର୍ଯ୍ୟାୟେ

ପ୍ରାର୍ଥନା ନିତି କରିବ ।

ବାଗ୍ ଦେବୀ ତୁମ କଣ୍ଠ ରେ ବସିବେ

ଜ୍ଞାନ ଊଣା ନ ହୋଇବ ।।୮

କି ସୁନ୍ଦର ମୋର ବିଦ୍ୟାଳୟ ଘର

ଗୁରୁ ଚଳନ୍ତି ଠାକୁର ।

ଅଧମ ଆଜିବି ପ୍ରଣାମ କରୁଛି

ପବିତ୍ର ପାଦେ ତାଙ୍କର ।।୯