# ପ୍ରଣତି ଗୁରୁ ଚରଣେ #
# ପ୍ରଣତି ଗୁରୁ ଚରଣେ #
ଜୀବନର ଛନ୍ଦ ଲୟ ବୁଝିବା ପୂର୍ବରୁ
ଅନ୍ଧକାରେ ଦେଖାଇଛ
ଆଲୋକର ପଥ ,
ଦୁଇ ହାତେ ତୋଳିଧରି ଶିଖାଇଛ ପୁଣି
ମାଆ ମାଟି ପିତା ନାମେ
କିବା ଅଛି ଅର୍ଥ ..................
ଆପଣେଇ ସମୁଦ୍ରେ ଶୂନ୍ୟତା ନିଜେ
ସମର୍ପିଛ ସବୁ ତକ
ତୃଷା ଜଳ ସତେ ,
ଛାଇ ପରି ପାଶେ ପାଶେ ସଦା ରହି
ଯୋଗାଇଛ ବଳ ବୁଦ୍ଧି
ଯୁଝିବାକୁ କେତେ ....................
ବିନ୍ଧାଣି ସାଜି ଗଢିଛ ସୁଯୋଗ୍ୟ ସନ୍ତାନ
ବିଂଚିବାକୁ ଆଲୋକର ଧାରା
ସମାଜରେ ,
ଚେତନାର ଦ୍ୱାର ନୀତି ଫିଟାଇ ଚାଲିଛ
ଆଜି ଯାଏ ଅବିରାମ
ନିଜ ସିଦ୍ଧାନ୍ତରେ ...............
ପ୍ରଣାମ ଘେନ ହେ ମୋର ଯୁଗ ସ୍ରଷ୍ଟା ଗଣ
ନବ ଜାଗରଣ ମନ୍ତ୍ରେ
ଦୀକ୍ଷିତ ହୋଇ ,
ଫୁଟାଅ ନୂତନ ସମ୍ଭାବନାର କଳିକା
ନିର୍ମଳ ପବିତ୍ର ମନେ
ଏ ମହୀରେ ଥାଇ ................