ପରନିନ୍ଦା

ଯଦି ମୁଁ କାହାର ମନ୍ଦ ଚିନ୍ତାକରେ କ୍ଷତିହୁଏ ବେଶି ମୋର,

କାହାର ମଙ୍ଗଳ କାମନା କରିଲେ ଲାଭମିଳେ ବାରବାର |

ପରନିନ୍ଦା କରି ଘୃଣାପାଏ ମୁହିଁ ଛିଦ୍ର ଖୋଜୁଥିଲେ ବସି,

ମୋର ଛିଦ୍ର ଯେତେ ଦେଖି ମୋର ବନ୍ଧୁ ମଜାରେ ଦିଅନ୍ତି ହସି |

ଆଉ କାହାଦୋଷ ଦେଖାଇ ଦେବାକୁ ମନକୁ କରିଲେ ଆଣ୍ଟ,

ନିଜର ଦୋଷଟା ଜଳଜଳ ହେଇ ଦିଶେ ହଜିଯାଏ ବାଟ |

ପର ଉପକାର ଚିନ୍ତା କରୁକରୁ ନିଜର ମଙ୍ଗଳ ହୁଏ,

କାହାର ପ୍ରଶଂସା କରିଦେଲେ ଥରେ ମୋର ମାନ ବଢିଯାଏ |

କାହାକୁ ଟିକିଏ ସାହାଯ୍ୟ କରିଲେ ବହୁତ ମିଳୁଛି ମୋତେ,

ସବୁ ଜାଣିଜାଣି ହୁଏ ମୁଁ ଅଜଣା ଯେତେ କୋଡ଼େ ସେତେ ମାଡ଼େ |