ପରମ୍ପରା
ପରମ୍ପରା
ମୁହଁ ସଞ୍ଜ ହେଲେ
ଦିନଯାକର କାମ ରୁ ଅବ୍ୟାହତି
ରାତି ପାଇଁ ଖାଦ୍ୟ ପ୍ରସ୍ତୁତି
ଏ ଭିତରେ ରାତି ବି ବଢି ଥିବ
ଖିଆ ପିଆ ସାରିଲା ପରେ
ଟିକେ ମନୋରଞ୍ଜନ ବି ହେବ
ପାଦରେ ପାଦ,ହାତରେ ହାତ ଛନ୍ଦି
ନାଚିବାକୁ ହେବ,ଢୋଲ ର ତାଳେ ତାଳେ
ଆମର ଏଇଟା ମନୋରଞ୍ଜନ,ପରମ୍ପରା
ବାପା,ଜେଜେ ବାପା,ଜେଜେ ବାପାର ବାପା
ଆହୁରି ଆଗରୁ ଏମିତି ହେଉଛି
ହସ ଖୁସି ଓ ଭାବ ର ବି ଆଦାନ ପ୍ରଦାନ
ସବୁ କିଛି ର ମିଶ୍ରିତ ମେଳଣ
ରାତି ବହୁତ ହେଲାଣି,
ଢୋଲ ବାଲା କୁଆଡେ଼ ଗଲା
ଏବେ ତ ମହୁଲି ପିଇଥିଲା, ମାଇପ ତ ନାହିଁ
ଘରେ ବି ନାହିଁ,ଗଲା କୁଆଡେ଼!!
ସେପଟୁ କଣ ଟୁପୁରୁ ଟାପୁରୁ ଶୁଭୂଛି
ଆରେ,କିଏ ସେଠି,ଆସ ଡେରି ହେଲାଣି
ନିଦ ବି ଲାଗିଲାଣି,ଶୀଘ୍ର ଆସ
ସେପଟୁ ଉତ୍ତର ଆସିଲା
ଆମେ କଥା ହେଲୁ,ସକାଳେ ବାହା ହେବୁ
ମୋର ତ ମାଇପ ନାହିଁ
ଆଉ ଚେପି ର ଘଇତା ନାହିଁ
ଇଏତ ଭଲ ହେଲା,
ଏକୁଟିଆ କାହିଁକି ରହିବ!!
ମିଶିକରି ରହିବ,କଥା ବାର୍ତ୍ତା ହେବ
ପିଲା ପିଲି କରିବ,ଭଲ କଥା
ହେଉ ଆସ,ସେଇ ଖୁସିରେ ଆଜି ବହୁତ୍ ନାଚିବା
ଢୋଲ ବାଜିଲା,ମହୁଲି ବି ପିଆ ହେଲା
ଚେପି ର ହାତ ଧରିବ ବିମ୍ବା
ଵିମ୍ବା ଢୋଲ ଜୋର୍ ରେ ପିଟୁଛି
ଚେପି ବି କମ୍ ନୁହେଁ
ଖୁସିରେ ଡେଇଁ ଡେଇଁ ନାଚୁଛି
ଘଇତା ଓ ମାଇପ ନ ଥିବାର ଦୁଃଖ
ଆମର ଜମାରୁ ନାହିଁ
ଯାହାର ମନ ଯାହାକୁ ମିଶିଲା
ସିଏ ତାର ହେଲା,
କେଉଁଠି କଣ ହେଉଛି
ଆମକୁ କଣ ମିଳିବ !!
ଆମର ପରମ୍ପରା କୁ ମାନୁଛୁ
ଆମେ ଭଲରେ ଅଛୁ
ଏ କଥା ବୁଝାଇ, କାଳିଶୀ କହୁଥିଲା
ନୂଆ କରି ଆସିଥିବା ସରକାରୀ ବାବୁଙ୍କୁ
ରାତି ଅଧିକା ହେଲାଣି
କିଏ ଗଲେ କି ନାହିଁ
ଚେପି ଓ ବିମ୍ୱା ପ୍ରଥମ ରେ ଗଲେ
ଆଜି ଏକାଠି ଶୋଇବେ
ଆଉ ଗହଳି ନାହିଁ
ଚାଲ ଶୋଇବା,ସକାଳ ହେଲେ ଭେଟ ll