ପ୍ରମାଣ ମୁହିଁ

ଯାହା ବି କରନ୍ତି ଈଶ୍ଵର କେବଳ ଆମରି ମଙ୍ଗଳ ପାଇଁ,

ଗରିବ ଦୁଃଖୀ ଯେ ଈଶ୍ଵରଙ୍କ ପ୍ରିୟ ଏହାର ପ୍ରମାଣ ମୁହିଁ ।

ଗରିବ ଘରେ ମୁଁ ଜନମ ହେବାରୁ ତେଣୁ ହେଲି ଭାଗ୍ୟବାନ,

ଅଭାବ କଷଣ ପଡ଼ିବାରୁ ସିନା ଖୋଜିହେଲି ଭଗବାନ ।

ପିଲାଟି ଦିନରୁ ବାପା ମରିଗଲେ ଜଗନ୍ନାଥ ହେଲେ ପିତା,

ନ ଥିଲା ପଇସା ବହି କିଣିବାକୁ ନଥିଲା ଚପଲ ଛତା ।

ନଥିବାରୁ ବହି ପଢିବାକୁ ମୋର ମନହୁଏ ହାଇଁପାଇଁ,

ସେହି ବ୍ୟାକୁଳତା ଦେଲା ସଫଳତା ଆସିଲି ମୁଁ ଡିଗ୍ରୀ ପାଇ ।

କଲେଜକୁ ସିନା ଯାଇ ପାରିଲିନି ପାଇଲି କଳା-ଭୂଷଣ, (ଡକ୍ଟର)

ବିଶ୍ଵବିଦ୍ୟାଳୟ ସ୍ଵୀକୃତି ଦେଇଛି, କରିବି ମାର୍ଗ ଦର୍ଶନ ।

ସରସ୍ୱତୀ ମାତା କଣ୍ଠେ ବସିବାରୁ ଲେଖୁଛି କାବ୍ୟ-କବିତା,

ଉପନ୍ୟାସ ପାଇଁ ଜାତୀୟ ସ୍ତରରେ ହେଲି ସମ୍ମାନ ବିଜେତା ।

ସୁଆଦିଆ ଚିଜପାଇ ନ ଥିଲି ମୁଁ ଅଭାବ କଷଣ ପାଇଁ,

ଏବେ ମୁହିଁ ସୁସ୍ଥ ରହିଛି ସୁଖରେ ପାରୁଛି ମୁଁ ସବୁ ଖାଇ ।