ପ୍ରକୃତିର ରକ୍ଷା
ପ୍ରକୃତିର ରକ୍ଷା
1 min
228
ବିବଶ ପ୍ରକୃତିମାତା ବିବର୍ଣ୍ଣ ଶ୍ରୀହୀନ
ଚକ୍ଷୁ ଯୁଗଳରୁ ତା'ର ଅଶ୍ରୁର କ୍ଷରଣ
ଜଳ ବାୟୁ କରି ଦାନ ଗଢ଼ିଛି ଜୀବନ
ବିଷର ବଳୟ ଦେଉ ତା'ରେ ପ୍ରତିଦାନ ।
ଯାନ୍ତ୍ରିକ ଜ୍ବାଳାରେ ବକ୍ଷ ସହୁଛି ଦହନ
ମାଟିରୁ ଆକାଶ ଯାଏଁ ହୋଇ ପ୍ରଦୂଷଣ
ସବୁଜିମା ବଳୟର ହଜିଲାଣି ବର୍ଣ୍ଣ
ବଳିଯାଏ ମନୁଷ୍ୟର ଅଜ୍ଞାନତା ପଣ ।
ଜରାଜୀର୍ଣ୍ଣ ରୂପକାନ୍ତି ଶୋଭରାଜି ଶୂନ୍ୟ
ଦୁର୍ବିପାକ ଭରିଦିଏ ଅସହ୍ୟ କଷଣ
ଧୂଳି ଧୂସରିତ ତନୁ ସୂର୍ଯ୍ୟତାପେ ମ୍ଳାନ
ଅଣ୍ଟି ସୁନା ଭେଣ୍ଡି ନୀତି ପ୍ରକୃତି ମଉନ ।
ପାଦେ ପାଦେ ବିପତ୍ତିର କ୍ରୁର ପଦଚିହ୍ନ
ପ୍ରକୃତିର ରକ୍ଷା ପାଇଁ ହୁଅ ସଚେତନ ।