ଲାଇବ୍ରେରୀ
ପ୍ରୋଫାଇଲ୍
ପ୍ରକୃତ ବନ୍ଧୁ
ପ୍ରକୃତ ବନ୍ଧୁ
1 min
154
ବନ୍ଧୁ ଅଟେ ସିଏ ବନ୍ଧୁପାଇଁ ଯିଏ
ସହିପାରେ ସବୁ କଷ୍ଟ
ଯେତେ ଘାତ ଅବା ପ୍ରତିଘାତ ଆସୁ
ସମ୍ପର୍କ କରେନି ନଷ୍ଟ
ସୁଖରେ ଦୁଃଖରେ ସାଥି ହୋଇଥାଏ
ବିପଦେ ହୁଅଇ ସାହା
ଅବାଟରେ ଗଲେ ବାଟ ସେ ଦେଖାଏ
ଉଚିତ ଅଟଇ ଯାହା
ବନ୍ଧୁ ସଫଳତା ଦେଖିଦେଲା ପରେ
ହେଉଥିବ ଆତ୍ମହରା
ବିଫଳ ସମୟେ ସାନ୍ତ୍ୱନା ଦେଇସେ
ସାଜିବ ଏକ ସାହାରା
ସାହାଯ୍ୟର ହାତ ବଢ଼ାଉଥିବ ସେ
ଯେତେବେଳେ ଲୋଡ଼ାଥିବ
ବନ୍ଧୁର ହାତରେ ହାତ ରଖି ସିଏ
ବାଟ ସଦା ଚାଲୁଥିବ
ଘୃଣା କରିବନି କେବେ ସେ ବନ୍ଧୁକୁ
କରିବନି କେବେ ଈର୍ଷା
ଛଳନା ନଥିବ ଭଲପାଇବାରେ
ଥିବ ସ୍ନେହ ପ୍ରେମ ବର୍ଷା
ସବୁବେଳେ ତାର ମନେ ରହିଥିବ
ବନ୍ଧୁଟିଏ ସାଥେ ଅଛି
ହସୁ ଅବା ଲୁହ ସାଥିରେ ତାହାର
ଭାଗ ସିଏ କରୁଅଛି
