ପ୍ରଜାପତି

ତୁମେ ହିଁ କାରଣ

ମୋର ଶୀଘ୍ର୍ ଉଠିବାର

ପ୍ରତ୍ୟୁଷର ମଧୁର ସଙ୍ଗୀତ

ବ୍ଯାପିଯାଏ ଚରାଚର ବିଶ୍ୱ

ଜୀବନ ପାତ୍ର ଭରେ

ସୂର୍ଯ୍ୟର ପ୍ରେମମୟ ସ୍ପର୍ଶ

ଚହଟେ ରଙ୍ଗର ଆସର

ଆନନ୍ଦରେ ନାଚିଯାଏ ବିଶ୍ଵ

ଅଦ୍ଭୁତ ପ୍ରକୃତିର ରୂପ

ନିରନ୍ତର ଲାଗିଛି ଉତ୍ସବ 

ବୁଝିବା ନୁହଁଇ ସହଜ

କଣ ମାୟା, କଣ ଵାସ୍ତବ

ଅପ୍ସରାମାନଙ୍କ ସ୍ଵର୍ଗ

ବାସ୍ତବ ଵି ନିଏ ମାୟାରୂପ

କଣ ଭୁଲ୍ ବିଚାରା ପ୍ରଜାପତିର 

ଚାହେଁ ଯଦି ଅନେକ ସାନ୍ନିଧ୍ୟ

ଅନ୍ଧାରର ଏନ୍ତୁଡିଶାଳରୁ

ଆଲୋକର ଅଦ୍ଭୁତ ସହର

ଚାଲିଥାଏ ଶ୍ରେଷ୍ଠର ସନ୍ଧାନ

ପ୍ରୟାସ ଜନ୍ମଗତ ଅଧିକାର

ପ୍ରୀତିଭରା ଆମନ୍ତ୍ରଣ

କାସନୋଭା ପ୍ରଜାପତି

ଖୋଜେ ପ୍ରିୟତମା ପୁଷ୍ପ

ଆରମ୍ଭ ପର୍ବ ପ୍ରେମଵାସ

ସର୍ବପରି ଅଟଇ ଏ ସତ୍ୟ

ଆଦିମ କାଳରୁ ଅନୁଭୂତ

ପ୍ରେମ ହିଁ ଜୀବନ ସଙ୍ଗୀତ

ଅଵଶ୍ଯ ଅନନ୍ଯ ସ୍ଵୀକୃତ

ଜନ୍ମରେ ସମସ୍ତେ ମୁକ୍ତ

ଶୃଙ୍ଖଳ ଭାଗ୍ୟରେ ଲିଖିତ