ଲାଇବ୍ରେରୀ
ପ୍ରୋଫାଇଲ୍
ପ୍ରିୟାର ଓଢଣୀ
ପ୍ରିୟାର ଓଢଣୀ
ଏଇ ସାତରଙ୍ଗ ଇନ୍ଦ୍ରଧନୁ ବାଘନିସହନାଲା ରଙ୍ଗେ
ପ୍ରିୟାର ଓଢଣୀ ବାସେ
ମିନାକରା ଆକାଶରେ ବାଦଲର ଉହାଡରେ
ପ୍ରିୟାର ଓଢଣୀ ଦିଶେ
ଘନ ନୀଳ ଯେବେ ଛାଇଯାଏ ଓଢଣିରେ
ଲାଗେ ପ୍ରିୟା ଅଛି ପାଶେ
ହଳଦୀ ରଙ୍ଗରେ ଓଢଣୀ ସାଜିଲେ
ଲାଗେ ଲାଜବତୀ ରୁଷେ
ପ୍ରିୟାର ଓଢଣୀ ଗୋଲାପୀ ହୋଇଲେ
ସବୁ ରୁତୁ ବାସ ଆସେ
ଓଢଣୀର ରଂଗ ଲାଲ ହେଇଗଲେ
ସାଧବ ବୋହୁଟି ହସେ
ମୋ ପ୍ରିୟା ଓଢଣୀ ମୟୂରୀ ସାଜିଲେ
ମେଘ ବର୍ଷା ସବାରୀରେ ଆସେ
ମୋ ପ୍ରିୟା ଓଢଣୀ କେତକୀ ମାଖିଲେ
ବିରହୀ ବିରହ ଝାସେ
ପ୍ରିୟାର ଓଢଣୀ କୁହୁ ତାନ ଭାରି
ଲାଜବତୀ ଲାଜେ ରସେ
ମୋ ପ୍ରିୟା ଚଗଲି ଓଢଣୀ ମଖମଲି
ନାଲି ନାଲି ଖାଲି ଦିଶେ
ମୋ ପ୍ରିୟା ଓଢଣୀ କହେ କାଦମ୍ବିନୀ
ଫୁଲ ଫଗୁଣରେ ମିଶେ
ମୋ ପ୍ରିୟା ଓଢଣୀ କନକ ବରଣୀ
କାଠଚମ୍ପା କାଳେ ରୁଷି ବସେ
ମୋ ପ୍ରିୟା ଓଢଣୀ ଉଡିଗଲେ ଥରେ
କନକ ଚମ୍ପା ତାରା ଫୁଲ ହୋଇ ଖସେ
ମୋ ପ୍ରିୟା ଓଢଣୀ ସାଜି ସୁନା ର ଗଉଣୀ
ଦୂରୁ ଶୋଭାବତୀ ଦିଶେ
ମୋ ପ୍ରିୟା ଓଢଣୀ ଭିତରେ ଲାଜବତୀ ସାଜି
ସଜ ଫୁଟା ଫୁଲ ପରି ହସେ
ପ୍ରିୟା ର ଓଢଣୀ ଯେବେ ସପ୍ତଫେଣୀ
ରୂପ ରଂଗ ବେଶ ବାସେ
ମୁଁ ଭାବେ ବୋଧେ ପ୍ରିୟା ଓଢଣୀ ରେ
କାଇଁଚ ମାଳିଆ ଧରି ସୁନାର ଥାଳିଆ ଖସେ ।
