ପ୍ରିୟା ର ଓଢ଼ଣୀ

ପ୍ରିୟାର ଓଢ଼ଣୀ ନିଏ ମୋତେ ଟାଣି  

                ହେଲା କି ପାଗଳ ମନ 

ଶ୍ରାବଣ ଧାରା ରେ ନାଚୁଛି ପ୍ରେମିକା 

                କୋଇଲି ଗାଉଛି ଗୀତ ।୨

ଓଦା ଓଦା ଦେହ ଭିଜା ଭିଜା ଓଠ 

                ଡାକୁଛି ହାତ କୁ ଠାରି 

ପ୍ରିୟା ର ଓଢ଼ଣୀ ଉଡ଼ି ଉଡ଼ି ଆସି 

                ଦେଇଛି ଛାତି କୁ ଚିରି ।୨

ଦୂରେ ଥାଇ ପ୍ରିୟା ହାତ ଠାରୁ ଅଛି 

                ଓଢ଼ଣୀ ଦେଉଛି ଖସି 

ଲାଗୁଛି ଯେମିତି ଏମିତି ସତେ କି 

                ଓହ୍ଲାଇ ପଡ଼ିଲେ ଶଶି ।୩

ଥିରି ଥିରି ଚାଲି ପାଦରେ ଘୁଙ୍ଗୁର 

                ଦିଶେ ନା କାହାର ମୁହଁ 

ଝିପି ଝିପି ବର୍ଷା କାକର ଦେହରେ 

                ଲିଭି ଯାଏ ସବୁ କୋହ ।୪

ପ୍ରିୟା ର ଓଢ଼ଣୀ ଖସିଲା ଦେହରୁ 

              ଦେହେ ମୋର ଗଲା ବାଜି 

ଭିଜା ଦେହ ମନ ଉଷ୍ଣ ଦେଲା ଛୁଇଁ 

              ଜିତିଲି ପ୍ରେମ ରେ ବାଜି । ୫