Library
ପ୍ରିୟ ବାନ୍ଧବୀ ଓ ଚକ୍ଲେଟ
ପ୍ରିୟ ବାନ୍ଧବୀ ଓ ଚକ୍ଲେଟ
ପ୍ରିୟ ବାନ୍ଧବୀ ଓ ଚକ୍ଲେଟ
-----------------------
ସେଦିନର ସେହି ଚକ୍ଲେଟ କଥା ମନେ ପଡିଲେ ହିଁ
ମିଠା ମିଠା ଲାଗେ ଓଠ
ଆଖିରେ ମୋ ଲାଗିଯାଏ ପ୍ରଜାପତି ଡେଣାର ସବୁତକ ରଂଗ
ତୁମେମୟ ବାସ୍ନାରେ ନିଜକୁ ବିବାକ୍ ପାଶୋରି ଦିଏ କେଇ କ୍ଷଣ ।
ଲାଇବ୍ରେରୀରୁ ଫେରୁଫେରୁ କ'ଣ ଗୋଟାଏ ଯାଚି ଦେଲ ତୁମେ
ମୋର ଏ କଣ' ପ୍ରଶ୍ନରେ ସାମାନ୍ୟ ହସିଲ,
ହସି ହସେଇଲ, ଆଖି ନଚେଇ କହିଲ-
“ଦେଖିଲେ ଜାଣିବ, ହଁ ଏଠି ନୁହେଁ ଘରେ ଖୋଲିବ ।”
ଆଜି ବି ଛବିଟିଏ ହୋଇ ଝୁଲୁଛି ମୋ ମନେ
ତୁମ ମୁହଁର ଭଂଗୀ ସେଦିନର ସେଇ ମୁହୂର୍ତର ।
ତୁମ ସାଥେ କଥା ନହେଲେ ବିତୁ ନଥିଲା ଦିନ,
ସବୁଦିନେ ମାନ, ମତାନ୍ତର ତୁମେ ଗୋଟାଏ ଅଜବ୍ ଝିଅ ।
ଉତ୍କଣ୍ଠାରେ କଲେଜ୍ ଛାତରେ ଖୋଲି ଦେଖିଲି ପ୍ୟାକେଟ୍,
କ'ଣ ଥାଇପାରେ ଫୁଲ କି ଚିଠି,
ଆତୁର ହେଲି ମୁଁ –
ଦେଖିବା ବେଳକୁ ହାୟ..
ଖାଲି ଚକଲେଟ ଟିଏ ଆଉ ମୋର କୁନି ନାଁ ଟି ଲେଖା
ସାଦା କାଗଜର ଠିକ୍ ମଝିରେ ।
ଆପେ ଓଠ ମିଠା ହେଲା ଚକଲେଟର ନାଁ ଥିଲା କିସ୍ ମି
ମୁଁ ହସିହସି ଜରି ଖୋଲି ଖାଇବା ବେଳକୁ
କେଉଁଠି ଥିଲ ତୁମେ ଚିଲେଇଲ –
ହେ କ'ଣ ଖାଉଛ ମତେ ଅଧେ ଦିଅ ।।
...
Email:litp.ranjan@gmail.com
