ମୁହଁ ବନ୍ଦ
ମୁହଁ ବନ୍ଦ
1 min
6.8K
ଶୁଣିଲଣି….?
ସେ ଶୋଇ ଗଲାଣି ଗହମ ନିଦରେ
ଧୋଇ ଗଲାଣି ଅଧେ କଳଙ୍କ କୁନ୍ଦୁଲି ରାସ୍ତାରେ
ଆଉ ଅଧେ ମିଛ ମାୟାରେ,
ଆଉ ଲୋଡ଼ା ପଡ଼ିବନି ଷଡ଼ଯନ୍ତ୍ର
ଶୀତଳ ମନ୍ତ୍ରଣା ସଫେଦ ମିଛର
କି ଖୋଜିବାକୁ ପଡ଼ିବନି ମୁକ୍ତିର ମନ୍ତ୍ର
ଏବେ ନିର୍ଭୟରେ ଉପଭୋଗ କର ପାହାଡ଼ି ଯୌବନ
ନପାହୁ ରାତି...ନମିଳୁ ଶାସ୍ତି…
ଏକାକାର ହେଉ ରତି ଆଉ ରାତି,
ଅଭାଗିନୀଙ୍କୁ କିଏ ଦେଲା ଅଭିଯୋଗ କରିବାର ଅଧିକାର,
ଖୋଲିଲେ ମୁହଁ……
ଗ୍ରହଣ କର ସନ୍ଧି ପ୍ରସ୍ତାବ…..ନଚେତ୍
ମୁହଁ ବନ୍ଦ…..।