ପ୍ରୀତିର ଆଶାରେ

ଆସ ଆସ ମୋର ପ୍ରଣୟ ସଙ୍ଗିନୀ

ଯାମିନୀ ଯାଉଛି ସରି

ଏତନୁ ମନକୁ ଶିକ୍ତ କରଗୋ

ବାହୁ ବନ୍ଧନରେ ଧରି ।

କୋଟିଏ ସପନ ଗୋଟିଏ ରାତିରେ

ଆଜି ହେଇଯାଉ ସତ

ଉନ୍ମୁକ୍ତ ହେଉ ପାଗଳ ପ୍ରେମୀକୁ

ଲବଙ୍ଗଦ୍ବୀପର ପଥ ।

ଅଧର ଅମୃତେ ତୃପ୍ତ ହେବିମୁଁ

ପ୍ରୀତି ଯାଉଥିବ ଝରି

ଆସ ଆସ ମୋର ପ୍ରଣୟ ସଙ୍ଗିନୀ

ଯାମିନି ଯାଉଛି ସରି - - -

ଅପହଞ୍ଚ ସେଇ ଇଲାକାକୁ ଛାଡି

ଆସ ଆସ ଥରୁଟିଏ

ସେଇ ଜଉଘରେ ମୋତେ ବନ୍ଦି କରି

ଜଳାଇ ଦିଅଗୋ ପ୍ରିୟେ ।

ତୁମକୁ ଥରୁଟେ ପାଖରେ ପାଇଲେ

ଶାନ୍ତିରେ ପାରିବି ମରି

ଆସ ଆସ ମୋର ପ୍ରଣୟ ସଙ୍ଗିନୀ

ଯାମିନୀ ଯାଉଛି ସରି ।

ସିଦ୍ଧେଶ୍ବର ତ୍ରିପାଠୀ