ପ୍ରୀତି ଦୀପାଳି

ସୁପ୍ତ ଯୌବନେ ଦୀପାଳି ଜାଳିବି

ମର୍ମସ୍ପର୍ଶି ପ୍ରୀତି ସ୍ପର୍ଶରେ

ଢଳ ଢଳ ଆଖି ଚୋରା ଚାହାଣି

ତଲ୍ଲୀନ ହେଉ ଲାଳିତ୍ୟରେ ।

ପ୍ରେମ ସମ୍ଭାର କିଆରୀ ଆଣିବି

ଗୋଲାପୀ ଓଠ ଚୁମ୍ବନରେ

ପଲ୍ଲବିତ ହେବ ଭଅଁର ମାୟେ

ନବ ଉନ୍ନାଦନା ଛନ୍ଦରେ ।

ଶାଶ୍ୱତ ପ୍ରଳୟେ ଅଭିଭୂତରେ

ଖଣ୍ଡୁ ରବି ଖଦ୍ୱ୍ୟୋତ ବରେ

ଦଂଶନ ହେଉ ଅସଜଡ଼ା ସପ୍ନ

ଅନାମିକା କଣ୍ଟା ଘାତରେ ।

ମେଘ ମଲ୍ହାର ଛନ୍ଦାୟୀତ ହେଉ

କାଉଁରୀ ଉଷ୍ଣତା ସ୍ପର୍ଶରେ

ତମସା ବିଷାଦ ମଦିରା ସ୍ୱର

ଅସ୍ତୁ ମମ ସ୍ପର୍ଶ ଚି଼ହ୍ନରେ ।

ପ୍ରୀତି ସୌରଭୁ ବନାନୀ ତନରେ

ମାୟାବୀ ପ୍ରେମିକର ଘା ରେ

ତମାମ ପ୍ରଳୟ ପରେ ଦହନୁ

ଚାରୁତା ସ୍ୱର୍ଣ୍ଣାଭ ତମରେ ।