ପ୍ରୀତି ଢେଉ

ଏବେ ଆଉ ବେଳାଭୂଇଁ ରେ

         ନ ଥିଲା ସେ ଆକର୍ଷଣ ଅତୀତର

ଫେରି ସାରିଥିଲା ଢେଉ 

          ଭାଙ୍ଗି ଦେଇ ସପନର ବାଲିଘର ,

 ସେ ବସିଥିଲା ଏକା ଏକା

         ଆଖି ବନ୍ଦ କରି

            ପ୍ରସ୍ତରିଭୂତ ନୀରବତା ଭିତରେ

ସ୍ମୃତି ସବୁ ଭାସି ବୁଲୁଥିଲେ

         ବିହ୍ଵଳିତ କରି ଦେବାକୁ   

              ମନ ତଳ ଅଥଳ ସାଗରେ ,

ତାକୁ ଲାଗିଲା ହଜିଗଲା ତା'ର

          ସବୁତକ ନୀଳ ସ୍ବପ୍ନ

            ସତେ ଯେମିତି ଭରା ଯଉବନେ 

ଫେରି ଯାଇଥିବା ପ୍ରୀତି ଢେଉ

    ବାହୁଡିବନି ହୃଦୟର ବେଳାଭୂମିକୁ

        ବୋଧହୁଏ ଆଉ କେବେ ତା' ଜୀବନେ ,

ତାକୁ ଜଣାନଥିଲା ସମୁଦ୍ର 

      ଫେରାଇ ଦିଏ ସବୁ ଉତ୍ତର

               ସମୟର ଧୂସର ଢେ଼ଉରେ

ଢେର ଦିନ ପରେ ବୁଝିଲା ସେ ଏକଥା

       ବେଳାଭୂଇଁର ଆର୍ଦ୍ର ଚୁମ୍ବନକୁ ଦେଖି

           ବାହୁଡି ଆସିଥିବା ପ୍ରୀତି ଢେ଼ଉରେ ..