ପରିଚୟ ଖୋଜୁଛି ମାତୃଭାଷା

ଉତ୍କଳ ଜନନୀ ଶ୍ରୀହୀନ ହେଲାଣି

ଲିଭିଲାଣି ତାର ଆଶା

ଆଜି ତା ସନ୍ତାନ କୁଣ୍ଠିତ ହେଉଛି

କହିବାକୁ ତାର ଭାଷା

ମାତୃଭାଷା ତାର ଟଳମଳ ହୁଏ

କିଏ ବା ରଖିବ ସ୍ଥିର

ଭାଷାର ସୁରକ୍ଷା ନାହିଁ ଯେଉଁଠି

କିହେବ ଅନ୍ୟ ସଂସ୍କାର

ନିଃସ୍ବ ସାଜ୍ଜିଛି ଆଜି ମାତୃଭାଷା

ମାଗୁଛି ତା ପରିଚୟ

କିଏ କିଏ ଅଛ କଳିଙ୍ଗ ନିବାସୀ

ଭାଷାର କର ବିଜୟ

ଘରେ ଘରେ ଆଜି ଲିଭିଛି ଓଡ଼ିଆ

ଦପ୍ତର କଥା କୁହନି

କୁଣ୍ଠାବୋଧ ଆଜି ସମଗ୍ର ରାଇଜ

ଆଉ କେତେ କେତେ ଜ୍ଞାନୀ

ଜାଗି ଉଠ ତୁମେ ଓଡ଼ିଆ ସନ୍ତାନ

ନ ରହି ଆଉ ମଉନ

ମାତୃଭାଷା ଆଜି କରୁଛି କ୍ରନ୍ଦନ

ହେଲାଣି ଲହୁଲୁହାଣ

ସବୁବେଳେ ଆମେ କହିବା ଓଡ଼ିଆ

ଲେଖିବା ଭାଷା ଓଡ଼ିଆ

ଉତ୍କଳ ଗୈାରବ ଫେରାଇ ଆଣିବା

ଓଡ଼ିଆ ଲାଗିବ ବଢିଆ ।।