ବରଷା ରାଣୀ

 ବରଷା ରାଣୀ ଗୋ ବରଷା ରାଣୀ

ଶୁଭ ସ୍ଵାଗତ ଜଣାଏ ଧରଣୀ

 ଜଳଚକ୍ରର ନାୟିକା ହୋଇ

ଜଗତ ଘୂରାଅ ଇଙ୍ଗିତ ଦେଇ

ଶୁଷ୍କ ଧରାକୁ କର ପଲ୍ଲବିତ

ତୁମ ସ୍ପର୍ଶରେ ହୁଏ ପ୍ରାଣବନ୍ତ

 ସବୁଜ ବନାନୀ ହୁଏ ପରିପୂର୍ଣ୍ଣ

ଆଶ୍ୱସ୍ତି ଲଭେ ସ୍ପର୍ଶ ରେ ତୁମ

 ଶୀତଳ ପରଶେ ଧରଣୀ ମାଆ

ଆତ୍ମହରା କରେ ତୁମ କିମିଆଁ

 ଶାଶ୍ଵତ ବନ୍ଧୁ ସାଜ୍ଜ କୃଷକର

ତୁମ ଆଗମନେ ନାଚେ ତା ସଂସାର

 ସାକାର ହୁଏ ତା ଆଶା ଓ ସ୍ୱପ୍ନ

ନିର୍ବିଘ୍ନେ କରେ ସେ ସନ୍ତାନ ପାଳନ

 ସକଳ ଶକ୍ତି ର ଆଧାର ତୁମେ

ତୁମ ବିନା ସଦା ନିରର୍ଥକ ଆମେ

 ନୀଳ ଅମ୍ବରର ତୁମେ ରୂପାନ୍ତରୀ

ଉର୍ମିମାଳା ହୋଇ ବୁଲ ଘୂରି ଘୂରି

 ଅପୂର୍ବ ସୈାନ୍ଦର୍ଯ୍ୟର ଅଧିକାରିଣୀ

ତୁମେ ଗୋ ସୁନ୍ଦରୀ ବରଷାରାଣୀ

 ବରଷା ରାଣୀ ଗୋ ବରଷାରାଣୀ

ତୁମ ଠାରେ ସଦା ଆମେ ଚିରଋଣୀ ।