ପାର୍ବଣେ ନବଦୁର୍ଗା
ପାର୍ବଣେ ନବଦୁର୍ଗା
ଆସ ଆସ ମାଁ
ପ୍ରଥମେ ମାଁ ହିମାଳୟ ନନ୍ଦିନୀ ଶୈଳପୁତ୍ରୀ
ଦକ୍ଷ ଯଜ୍ଞନାଶିନୀ ବୃଷବାହିନୀ ଜଗଧାତ୍ରୀ ।
ଆସ ଆସ ମାଁ
ଦ୍ଵିତୀୟେ ବ୍ରହ୍ମଚାରିଣୀ କମଣ୍ଡଳୁ ଧାରିଣୀ
ବ୍ରହ୍ମଜ୍ଞାନ ଅଧିକାରିଣୀ ତପସ୍ୟା ଚାରିଣୀ ।
ଆସ ଆସ ମାଁ
ତୃତୀୟେ ଚନ୍ଦ୍ରଘଣ୍ଟା ମାଁ ଶୀତଳ ଦାୟିନୀ
ପରମଶାନ୍ତିର ଦେବୀ ତୁ ଶାନ୍ତ କଲ୍ୟାଣୀ ।
ଆସ ଆସ ମାଁ
ଚତୁର୍ଥେ କୁଷ୍ମାଣ୍ଡା ମାଗୋ ଦୀର୍ଘାୟୁ କାରିଣୀ
ଅମୃତ କଳସ ହସ୍ତେ ଧରିଛୁ ସିଂହବାହିନୀ ।
ଆସ ଆସ ମାଁ
ପଞ୍ଚମେ ସ୍କନ୍ଦମାତା ଦେବତା ରକ୍ଷାକାରିଣୀ
କାର୍ତ୍ତିକଙ୍କୁ କୋଳେ ଧରି ଉଭା ଦୈତନାଶିନୀ ।
ଆସ ଆସ ମାଁ
ଷଷ୍ଠରେ କାତ୍ୟାୟନୀ ମାଁ କମଳଧାରିଣୀ
ମହେଶ୍ବର ଙ୍କ ଶକ୍ତିରୁ ଜାତ ଅଭୟମୁଦ୍ରାଣୀ ।
ଆସ ଆସ ମାଁ
ସପ୍ତମେ କାଳରାତ୍ରି ଅହଂଭାବ ବିନାଶିନୀ
କଳାବର୍ଣ୍ଣା ମୁକ୍ତକେଶୀ ମାଁ ଗର୍ଦ୍ଦଭ ବାହିନୀ ।
ଆସ ଆସ ମାଁ
ଅଷ୍ଟମେ ମହାଗୈାରୀ ମାଁ ତୁହି ଗଙ୍ଗାଧାରିଣୀ
ଦୁଃଖଦାରିଦ୍ର୍ୟ ବିନାଶୁ ମାଲୋ କଷ୍ଟ ଦଳିନୀ ।
ଆସ ଆସ ମାଁ
ନବମେ ସିଦ୍ଧିଦାତ୍ରୀ ଅର୍ଦ୍ଧନାରୀ ମାହେଶ୍ଵରୀ
ଯୋଗମାୟା ଲୋ ଭୋଗମୋକ୍ଷ ପ୍ରଦାନକାରୀ ।
ଆସ ଆସ ମାଁ
ନବଦୁର୍ଗା ରୂପେ ମାଗୋ ହୋଇ ଅବତୀର୍ଣ୍ଣା
ସଂସାର ସାଗରୁ ପାର କର ମାଁ ଯୋଗଜନ୍ମା ।