ପରିବର୍ତ୍ତନର ସ୍ୱର ତୋଳିବା
ପରିବର୍ତ୍ତନର ସ୍ୱର ତୋଳିବା
ଦୁନିଆରେ ପରିବର୍ତ୍ତନ ତ ଅଟେ ଚିରନ୍ତନ
ସତ୍ୟ ଓ ଚିର ଶାଶ୍ବତ
ସେ ପରିବର୍ତ୍ତନ ଢ଼ାଳିବ ଅମୃତ, ପ୍ରାଣୀ
ଜଗତର ଏହା ଚିର ଇପ୍ସିତ ।
ସେଇଠି ନଥିବ ମନୁଷ୍ୟ ଆଖିରେ ଲୁହ
ଅବା କୋହର ଚିହ୍ନ ହୃଦୟରେ
ଖାଲି ଶୁଦ୍ଧ-ଚେତନାର ଭାବନା, ଛନ୍ଦ ଭରି
ରହିଥିବ ମାନବିକତାର ମନ୍ତ୍ରରେ ।
ସେଠି ନଥିବ ଦ୍ବନ୍ଦ ହତ୍ୟା ଲୁଣ୍ଠନ ଶୋଷଣ
ଅବା ବୋମାର ବାରୁଦ ଗନ୍ଧ,
ମଣିଷ ଜୀବନରେ ଦୟା ଧର୍ମ ସ୍ନେହ
ପ୍ରେମତ୍ୱର ତୋଳିବ ଛନ୍ଦ ।
ଏହି ମହାନ୍ ଲକ୍ଷ୍ୟ ହାସଲ କରିବାକୁ ଵିସ୍ତୀର୍ଣ୍ଣ
କଣ୍ଟକିତ ପଥ ଚାଲିଵାକୁ ହେବ ଜାଣ
କେବେ ହାସଲ ହେବନି ତୋଷାମଦି କରି
ଅବା ଆପଣା ସ୍ଵାର୍ଥରେ ହେଲେ ମଗ୍ନ ।
ତୁମେ ଭାବି ପାର ଏହା ମନରେ ବାନ୍ଧିବା
ସରଗକୁ ଏକ ସିଡି଼,
ମନ ମଧ୍ୟରେ ନଯୋଡି଼ଲେ ଏହି ଭାବନା କିପରି
ପାଇବେ ଭବିଷ୍ୟ ସମାଜର ପିଢି଼ ।
ପରିବର୍ତ୍ତନର ସ୍ୱର ତୋଳିବି ସମାଜେ
କରିଛି ମୁଁ ଏ ଦୃଢ଼ ପଣ,
ଅନ୍ୟାୟ ଔଦ୍ଧତ୍ୟରେ ନହୋଇ ଶଙ୍କିତ
ଭୋଗିବି ଆସିବା ସବୁ କଷଣ ।