ପରିବର୍ତ୍ତିତ ଓଡ଼ିଆ

ଛୋଟ ବୟସରୁ ବାପା ବୋଉ ଡାକ

କ୍ରମଶଃ ଦୂରେଇ ଯାଉଛି

ମମି ଡାଡି ବୋଲି ଛୁଆ ଡାକୁଅଛି

ମାତୃଭାଷାଠୁ ଅଲଗା ହେଉଛି ।

ନିଜ ମାତୃଭାଷାରେ ପରିଚୟ ଦେବାକୁ

ଆଜିର ମଣିଷ ଲଜ୍ୟାବୋଧ କରୁଛି

ଦୁଇ ଧାଡ଼ି ଦେଖ ଲେଖିବା ପାଇଁ କି 

ଅନ୍ୟ ଭାଷାର ସାହାଯ୍ୟ ନେଉଛି ।

ଦିଶୁ ନାହିଁ ଆଉ ବିଦ୍ୟା ଭାରତୀ

ଓଡ଼ିଆ କଥାଚିତ୍ର ଧାରା

ଶୁଭୁନାହିଁ ଆଉ ମାତୃଭାଷା ଗୀତ

ଅତୀତ ମୋ ଅପାସୋରା ।

ପଢ଼ା ଯାଉନାହିଁ ମାତୃଭାଷା ପାଠ

ଆଉ ପଣିକିଆ ଘୋଷା

ମାତୃଭାଷାକୁ ଭୁଲି ଯାଉଛି ଆଧୁନିକତା

ଅନ୍ୟ ଭାଷାର ଚାଲେ ପେଶା ।

ମାତୃଭୂମି ମାତୃ ଭାଷାରେ ମମତା

ଆଉ ହୃଦୟରେ ଜନ୍ମୁ ନାହିଁ

ମିଛଟାରେ ପଣ୍ଡିତ ନିଜକୁ ବୋଲାନ୍ତି

ସତ କହିବାକୁ ଡରେ କାହିଁ ।

ସିଲଟ ଚକ୍ ଖଡ଼ି ପାଠ ବନ୍ଧା ପଡ଼ିଛି

ବନ୍ଧା ହୋଇଛି ତାଳପତ୍ର ପୋଥି

ଅତୀତ ପୃଷ୍ଠାକୁ ଫେରିଯିବା ଚାଲ

ମାତୃଭାଷାକୁ କରି ଆମ ସାଥୀ ।