ପରିଭାଷା
ପରିଭାଷା
ପବିତ୍ର ଗାନ୍ଧୀ-ଶାସ୍ତ୍ରୀ ଜୟନ୍ତୀରେ
ଅର୍ଥାତ୍ ଅକ୍ଟୋବର ଦୁଇ ତାରିଖରେ
ଅଘୋଷିତ ଜାତୀୟ ପର୍ବ-ଛୁଟିଦିନରେ
ଅଖାଡୁଆ ଅନୁଚିନ୍ତାଟେ ବିନ୍ଧିଦେଲାରେ
କାନେ କାନେ
ବାହାରେ ଲଘୁଚାପ ବର୍ଷା ଆରମ୍ଭ
ଟିଭିରେ ଚାଲିଛି ମୂଖ୍ୟ ଖବର ସ୍ତମ୍ଭ
ସୋଫାରେ ବସିଛି ମନଦୁଃଖେ ଶୁମ୍ଭ
ଆଉଟୁ ପାଉଟୁ ଚିନ୍ତା-ଫୋଡ଼ା ରାଶିକୁମ୍ଭ
ମନେ ମନେ
ସ୍ନେହ-ପ୍ରେମ-ଭଲପାଇବାର କ'ଣ ଅର୍ଥ ?
ନିଚ୍ଛକ ପରିଭାଷାରେ ହେବନାହିଁ ବ୍ୟର୍ଥ
ସବୁ ମାନବୀୟ ସମସ୍ୟା ଶେଷ କୃତାର୍ଥ
ଶାନ୍ତି ରହିତ ବ୍ୟଥିତ ସମାଜ ପାଇଁ ଯଥାର୍ଥ
ସ୍ଥାନେ ସ୍ଥାନେ
କଲେଜ ପଢ଼ୁଆ ଝିଅ-ପୁଅଙ୍କୁ ପଚାରିଲି
ପ୍ରେମୀକ- ପ୍ରେମୀକ ଯୋଡିକୁ ପରଖିଲି
ଭେଟିଲି ପାର୍କରେ ପବ୍ ରେ ଖିଲି ଖିଲି
ଦିନେ ଦିନେ
ରୀତି--ଭକ୍ତି-ଗୀତି-ସବୁଜ-ଆଧୁନିକ ଯୁଗୀୟ
କବିତା ବହି ଖୋଜିଲି ପଢିଲି ଭାଙ୍ଗିଲା ଲୟ
ଭାବରେ ଛନ୍ଦରେ ଶବ୍ଦ ଯାଦୁରେ ଲୀଳାମୟ ଅନ୍ଧାରି କାନନେ ପାଗଳ ଅନ୍ଧାରକଣା ପ୍ରାୟ
ଛୁଟି ଦିନେ
ମନକୁ ପାଉ ନ ଥିଲା ତର୍କ-ତତ୍ତ୍ଵ ଅର୍ବାଚୀନ
ଅନ୍ତର ଛୁଇଁବା ବଦଳେ ରାମ୍ପୁଥିଲା ଘନ ଘନ
ଦେହ ଦେହଳୀରେ ବ୍ୟସ୍ତ ବଡ଼-ସାନ ସମାନ
ପାନେ ପାନେ
ମାତ୍ର ବୁଢୀ ମା-ଜେଜେମା କହିଥିବା କଢିପୟ
ପିଲା ବେଳର ମନେ ଥିବା ଗାଉଁଲି ଢଙ୍ଗ-ଲୟ
କେଇପଦ ମରହଟ୍ଟିଆ କଥା ବେଶ୍ ଉପାଦେୟ
ଧ୍ୟାନେ ଧ୍ୟାନେ
ପ୍ରେମ-ସ୍ନେହ- ଭାବ ବଡ଼ ଅଜବ ଜିନିଷ
ଭାଗ୍ୟରେ ଥିଲେ ମିଳିବ ପୀଯୁଷ ରସ
ଅଭାଗା -ନଳରାଜା କାଟିବ ଘୋଡା ଘାସ
ମା' ସହିତ ହେଲେ ପୂଜା-ବନ୍ଦନ
ବାପା ସହିତ ହେଲେ ମାନ-ସମ୍ମାନ
ଭାଇ ସହିତ ହେଲେ ବିଶ୍ୱାସ-ଅଭିମାନ
ଭଉଣୀ ସହିତ ହେଲେ ଦାୟିତ୍ଵ-ସ୍ଵାଭିମାନ
ସ୍ତ୍ରୀ-ସହିତ ହେଲେ ସମସ୍ତେ କହିବେ
ମାଇପ -ସୁଆଗିଆ ଗୋଲାମ
ମାଇଚିଆ ଉଠୁଣୁ ବସୁଣୁ ସଲାମ ।