ପରିବେଶ ସୁରକ୍ଷା

ପଞ୍ଚଭୂତର ଆମ ଏ ପରିବେଶ

  ଯତନେ ହୋଇଛି ଗଢ଼ା

ପୃଥ୍ବୀ ଜଳ ବାୟୁ ଆକାଶ ଅନଳ

  କେ ନୁହେଁ କାହାଠୁ ଊଣା ।

ତା ମଧ୍ୟେ ସକଳ ଶକ୍ତିର ଆଧାର

  ସୂର୍ଯ୍ୟଦେବ ବିରାଜିତ

ବୃକ୍ଷ ଯେ ଅଟଇ ସବୁର ମୂଳରେ

  ମନରେ ହେଜ ସମସ୍ତ ।

ଆମ ପରିବେଶ ଏ ଜୀବଜଗତ

  ରାସ୍ତାଘାଟ ଘରଦ୍ୱାର

କଳ କାରଖାନା ଯେତେଛନ୍ତି ସବୁ

   ଅସ୍ତିତ୍ଵ ପରିବେଶର ।

ଉଚ୍ଚ ଅଟାଳିକା ସବୁଜ ପାଦପ

   ବିସ୍ତୀର୍ଣ୍ଣ ବାଲୁକା ରାଶି

ବିହଙ୍ଗମ ଦଳ ନୀଳ ଜଳଧାରୀ

   ଅଛି ପୁଣି ମହୋଦଧି ।

ଆମ ଚତୁପାର୍ଶ୍ଵ ଆମ ପରିବେଶ

  ଯତ୍ନ ନେଉଥିବା ତାର

ଧୋବା ତୁଠରୁ ଯେ ଗାଆଁ ପରିମଳ

   ଏ କଥା ରଖ ମନର ।

ଖୋଲା ସ୍ଥାନେ କେବେ ଯିବା ନାହିଁ ଦୁଇ

  ପାଇଖାନା ଯିବା ଆମେ

କୂଅ ପୋଖରୀକୁ ପରିଷ୍କାର କଲେ

  ରୋଗ ନ ମାଡ଼ିବ ପାଖେ ।

ବୃକ୍ଷ ଯେ ଆମର ଜୀବନ ଲତିକା

  ଶୋଷି ପ୍ରଦ୍ୟୁଷଣ ବାୟୁ

ଅମ୍ଳଜାନ ବାୟୁ ଦିଅଇ ପରଷି

  ପ୍ରଶ୍ୱାସରେ ଆମେ ନେଉ ।

ଆଜିର ଦିନରେ ନେବାରେ ଶପଥ

  ଲଗାଇବା ବୃକ୍ଷ ଆମେ

ବୃକ୍ଷ ଛେଦନରୁ ହୋଇବା ବିରତ

  ଜୀବନ ରହିବ ସୁଖେ ।

ଜଳ ପ୍ରଦ୍ୟୁଷଣ ନ କରିବା କେଭେ

  ନ ଛାଡ଼ିବା କଳ ଜଳ

 ନିର୍ଭରଶୀଳ ଏ ସବୁ ପ୍ରାଣୀଙ୍କର

  ନ ହୋଇବା ଆମେ କାଳ ।

ପୃଥିବୀ ଆମର ଧରିତ୍ରୀ ମାତା ଟି

  କର୍ଷଣେ ଉପୁଜେ ଶସ୍ୟ

ତାହାର ସୁରକ୍ଷା ପ୍ରତି ଧ୍ୟାନ ଦେବା

  ବ୍ୟବହାରେ ଜୈବ ଖତ ।

ଆଜିର ମଣିଷ ଭୁଲି ସବୁକିଛି

  ନିଜ ସ୍ୱାର୍ଥରେ ପାଗଳ

ଅର୍ଥ ଉପାର୍ଜନ କରିବା ନିମନ୍ତେ

  କାଟଇ ବଣ ଜଙ୍ଗଲ ।

ପ୍ରକୃତି ରଚଇ ତାଣ୍ଡବର ଲୀଳା

  ଅଦିନେ ଆସଇ ବାତ୍ୟା 

ଖେଳିଯାଏ ଯେତେ ସବୁ ହାହାକାର

  ଧରଣୀ ହୁଏ ପୀଡ଼ିତା ।

ଦେଶବାସୀ ମୋର ହେ ଭାଇ ଭଉଣୀ

  ଆସ ହେ ଆଗକୁ ଆସ

ସଚେତନତା ର ବାରତା ବାଣ୍ଟିଣ

  ମୁହଁରେ ରଖିବା ହସ ।

  ହସିବ ଏ ପରିବେଶ 

  ହସିବ ଏ ପରିବେଶ ।।