ପ୍ରେମରେ ଭିଜା ସ୍ବପ୍ନ

ପାଠପଢା ସବୁ ସରିଯିବା ପରେ

ପୁଣି ତୁ ଆସୁ କେତେ ସରାଗରେ ।

ଜୀବନ ସୁନ୍ଦର କରିଦେବା ପାଇଁ

ଆଗେଇ ଆସୁ ତୁ ସତରେ ଧାଇଁ ।

ନୂଆ ପୁଲକ ନୂଆ ନେଇ ଆଶା

ଆସିଥାଉ ନେଇ ନୂଆ ଭରସା ।

ଭଲ ଲାଗେ ମାଟି ପାଣି ପବନ

ଆପଣା ଦେଖାଉ କେତେ ସପନ ।

କେହି ଜଣେ ନିଜର ନିଜର ପରି

ଆସେ ମନ ଭିତରେ ତୋ ହାତ ଧରି ।

ସବୁଠୁ ନିଜର ସେ ଲାଗିଥାଏ

ତା କଥାରେ ମନ ବି ଭାସିଯାଏ ।

ତା ପାଇଁ ସବୁ ଅଜାଡି ଦେଇ

ଭଲ ପାଏ ମନ ଦେହକୁ ନେଇ ।

ସୁନେଲି ମନର ରୂପା ସପନ

ସପନ ପାଇଁ ଯେ କେତେ ଯତନ ।

ଯିଏ ଯାହା କହୁ ଖାତିର ନାହିଁ

ପ୍ରେମୀ ବାଟ ଖାଲି ରହିଥା ଚାହିଁ ।

ତୁ ଦେଖୁ ସୁନ୍ଦର ଭବିଷ୍ୟ କଥା

ଜଣେ ଅନ୍ୟ ପାଇଁ ସତେକି ଯଥା ।

ଦୂର ପାଖ ଆଉ ଆପଣା ପର

ପ୍ରେମରେ ଭଲା କି ବାଛ ବିଚାର ।

ଆଉ କାହା କଥା ଲାଗେନା ଭଲ

ତୁ ସତରେ କରୁ କି କଲବଲ ।

ପ୍ରେମ ପଛେ ଧାଏଁ ଯୁବ ପରାଣ

ହେବାକୁ ଖୁସିରେ ସ୍ଵ ସମର୍ପଣ ।

ପ୍ରେମ ଆଗରେ ଯେ ସବୁ ଅଲୋଡା

ପ୍ରେମ ପାଇଁ ତୁ ତ ସର୍ବାଗ୍ରେ ଛିଡା ।

ସ୍ଵପ୍ନ ତୁ ଦେଖାଉ କେତେ ଯେ ସ୍ବପ୍ନ

ସବୁଠୁ ଆପଣା ଲାଗେ ଖାଲି ପ୍ରେମ ।

ପ୍ରେମ ପାଇବାକୁ ଛଟପଟ ମନ

ସତେ କି ସୁନ୍ଦର ଏ ପ୍ରେମ ସପନ ।