ଲାଇବ୍ରେରୀ
ପ୍ରୋଫାଇଲ୍
ପ୍ରେମର ମୃଦୁ ସ୍ପର୍ଶ
ପ୍ରେମର ମୃଦୁ ସ୍ପର୍ଶ
1 min
107
ପହିଲି କିରଣ ପାଦ ଥାପେ ଯେବେ
ପୃଥିବୀର ଅଗଣାରେ
ତୁମ ପ୍ରତିବିମ୍ବ ଭାଙ୍ଗେ ମୋର ନିଦ
ସପନର ସହରରେ ।।
ବହୁଥାଏ ପୁଣି ଶୀତଳ ସମୀର
ସୀମାହୀନ ଇଲାକାରେ
ରଜନୀଗନ୍ଧା ବି ସୁବାସ ହରାଏ
ତୁମ ଦେହ ମହକରେ ।।
ଅଧରେ ତୁମର ମିଠା ମିଠା ହସ
ମତୁଆଲା ମୋତେ କରେ
ବିନା ମାଦକରେ ହୁଏ ମୁଁ ବେହୋସ
ତୁମ ପାଉଁଜିର ସୁରେ ।।
ନଦୀ ତ ହରାଏ କୁଳୁକୁଳୁ ନାଦ
ହୁଏ କିବା ଶବ୍ଦହୀନ
ରୁଣୁଝୁଣୁ ତୁମ ଚୁଡ଼ିର ଶବଦେ
ସମୁଦ୍ରରେ ହୁଏ ଲୀନ ।।
ଟୋପାଟୋପା ପାଣି ବେଣୀରୁ ତୁମର
ଝରି କରେ ମୋତେ ଓଦା
ପ୍ରଣୟିନୀ ସାଜି ଚାଲିଯାଅ ଦୂରେ
ରଖିଦେଇ ପ୍ରେମ ଅଧା ।।
