ପ୍ରେମିକା ଗଳିର ଚା'

ମନେ ପଡେ ଆଜି ସେଦିନର କଥା,

ଲାଜେଇ ଲାଜେଇ ଚାଲୁଥିଲ ତମେ,

ପୋତିଦେଇ ମଥା  !

ଗଳିରେ ତୁମର ଖୁଣ୍ଟ ଲାଇଟ ଗୁଡା,

ଧପ ଧପ ହେଇ ଜଳୁଥିଲା,

ପ୍ରଥମ ତୁମକୁ ଦେଖିଲି ଝାପ୍ସା  !

ଚା' ଢୋକେ ପିଇ କଣେଇ ଦେଖିଲି,

ସତେ ଅବା ରାଜଜେମା,

ମୁରୁକି ମୁରୁକି ହସୁଥିଲ ଧୀରେ !

ପାଦ ଥାପି ଥାପି ଚାଲୁଥିଲ ପ୍ରିୟା,

ଧୀରେ ମଥା ଟେକି ଦେଖିଲ କିଆଁ,

ହୃଦୟର କବାଟ ଵିନା ଚାବିରେ ଫିଟିଗଲା !

ସରଳତା ତୁମ ସାଧା ସିଧା ପ୍ରେମ ,

କଵି ମନେ ଜଳେ ନିଆଁ,କଲମ ମୁନରେ ରହି ତୁମେ

ପ୍ରିୟା ହେଇଯାଅ ମୋ କବିତା !

ହୃଦୟ ସାଗରେ ଢେଉ ଢେଉ ଖେଳ,

ନିରନ୍ତର ନିରନ୍ତର, ଆଖି ଖୋଜେ ଖାଲି,

ତୁମ ପ୍ରତିଛବି ଦେଖନ୍ତି ଦିନ ହଉ ଅବା ରାତି !

ତୁମ ଗଳିର ସେ ଅଲଣା ଚା' ଵି,

ଲାଗୁଚି ଯେମିତି ମଧୁପ୍ରୀତିର ବର୍ଷାରେ

ଓଦା ହେଇ ଆଜି,ଯେମିତି ଭୁଲିଚି ସବୁ  !