ପ୍ରେମ

ପ୍ରେମ ଢାଳେ ଯେବେ ଅସରା ଶ୍ରାବଣ,

ମନ ଭିଜେ ନ କରି ସଂକଚ !

ପ୍ରେମ ଯେବେ ଦିଏ ଇସାରା ଆଖିରେ,

ହୃଦୟର ଫୁଲ ଫୁଟି ବାସେ !

ପ୍ରେମ ଯେବେ ହୁଏ ଅଦିନିଆ ମେଘ,

ଓଦା ହୁଏ ମନ,ଓଦା ହୁଏ ପୁଣି ଦେହ !

ପ୍ରେମ ଯେବେ ହୁଏ ବଗିଚାର ଫୁଲ,

ଆକର୍ଷିତ କରେ ଆଖିର ଦୃଶ୍ୟ ପଟ !

ପ୍ରେମ ଯେବେ ହୁଏ ସମୁଦ୍ରଠୁ ଗଭୀର,

ଭେଦ କରିବା କି ସମ୍ଭବ !

ପ୍ରେମ ଯଦି ହୁଏ ମୂର୍ଚ୍ଛନା ଟିଏ,

ମନ ଗାଏ ମଲ୍ହାର ଗୀତର ସ୍ଵରେ !

ପ୍ରେମ ଯଦି ହୁଏ ଗୋଲାପ ଫୁଲଟେ,

କଣ୍ଟାର ଆଘାତ ବି ଭାରି ଭଲ ଲାଗେ !

ପ୍ରେମ ଯଦି ହୁଏ ଚାନ୍ଦିନୀ ରାତି,

ଲେଖିବି ତା ପାଇଁ କବିତା ଛନ୍ଦି  !

ପ୍ରେମ ଯଦି ହୁଏ ଫୁଲ ବଗିଚାଟି,

ଆଖି ପୁରୀଯିବ ଦେଖି ଦେଖି  !

ପ୍ରେମ ଯଦି ହୁଏ ମଳୟ ଗୀତି,

ବସନ୍ତରେ ଶୁଭେ କୋଇଲିର ମଧୁର ଗୀତି !

ପ୍ରେମ ଯଦି ହୁଏ କୃଷ୍ଣଚୁଡା ପରି,

ନାଲି ନାଲି ଦିଶେ ଲାବଣ୍ୟ ସୁନ୍ଦରୀ  !