Library
Profile
ପ୍ରେମିକା ବି ସମର୍ପିତା
ପ୍ରେମିକା ବି ସମର୍ପିତା
ପଢିଲି ଗଳ୍ପରେ, ପ୍ରେମ ସମ୍ବନ୍ଧରେ, ସ୍ଫୂର୍ତ୍ତିପ୍ରଦ ଆହ୍ଲାଦିନୀ ,
ପ୍ରିୟ ଓ ପ୍ରେୟସୀ, ମିଳନୀ ବିଶ୍ୱାସୀ, ହୃଦ୍ୟତାର ମନ୍ଦାକିନୀ ।
ପୂର୍ବଜନ୍ମାର୍ଜିତ, ଧାତା ନିର୍ଦ୍ଦେଶିତ, ବିବାହ-ବନ୍ଧନ ଭୋଗୁଁ ,
ପ୍ରିୟା ଦୁର୍ଭାଗ୍ଯରୁ ଘରଣୀ ନ ହେଲେ, ସ୍ୱୈରିଣୀ, କି, କାହା ଯୋଗୁଁ ?
ପତି ବିଯୋଗରେ, ପ୍ରଣୟିନୀ ମରେ, ବଞ୍ଚି ଥାଉଁ ଥାଉଁ ନିତି ,
ପରିଚ଼ିତା ଶପ୍ତା, ବୈଧବ୍ଯେ ହୀନସ୍ତା, ଆଚରଣେ କରେ ସତୀ ।
ପ୍ରେୟସୀ କେବେ ବି, ଫାଇଦା ନ ଭାବି, ପ୍ରେମ କରିଥାଏ ନିଜେ ,
ପ୍ରିୟ ବିଚ୍ଛେଦରେ, ଜୀଇଁବାକୁ ଭଲେ, ଗ୍ରାହକ କିପରି ଖୋଜେ !
>
ପଟାପଟି ମିଷ୍ଟ, ସୁବଚନ ଶିଷ୍ଟ, ପ୍ରେମୀ କେବେ ଲୋଡ଼େ ନାହିଁ ,
ପୀରତି ସ୍ୱଭାବ,ସ୍ୱତଃସ୍ଫୂର୍ତ୍ତ ଭାବ, ବ୍ଯସ୍ତତା ଦିଏ ସୂଚେଇ ।
ପ୍ରତ୍ୟର୍ପଣ ପ୍ରୀତି, ଅନସୂୟ ରତି, ଭାବାନୁରାଗୀ ଆଶାୟୀ ,
ପରହିତବ୍ରତୀ, ସମାଦର ମତି, ପ୍ରିୟତମା ଅନୁଧ୍ଯାୟୀ ।
ପତ୍ନୀ ଅଧିକାର, ବୈଧବ୍ଯ ଧବ ର, ସ୍ୱୀକାରର ଅଭିରତା ,
ପୂର୍ବରାଗ ସ୍ମରି, ଅଦୃଷ୍ଟ ଜାବୁଡ଼ି, ପ୍ରେମିକା ସେ ସମର୍ପିତା ।
