ତୃତୀୟ ଲିଙ୍ଗୀ

ଅବର୍ତ୍ତମାନ ସୃଷ୍ଟିରେ କାହିଁକି

 ସ୍ଥିର ତୁମ ମାନସିକତା ? 

ଭିନ୍ନ ସର୍ଜନାର ଦ୍ୱାହି ଦେଇ ବାଛି ନିଅ

କାହିଁପାଇଁ ଏକ ସ୍ୱତନ୍ତ୍ର ଠିକଣା ? 

ବେଢଙ୍ଗ କୌଶଳେ ଗୋଠଖଣ୍ଡିଆ ନୀତି

ଆବୁରି କିଆଁ ହେଉଛ ଦୁଃଖ ନମୁନା ? (୦) 

ସୁରକ୍ଷିତ ଅବୟବ ସତ୍ତ୍ୱେ 

ଭିକ୍ଷାଚର୍ଯ୍ୟାରେ ନ ରୁହ  

ଆପଣାପଣେ ମୋର ଅନୁନୟ । 

ସ୍ୱାବଲମ୍ବୀ ହୋଇ ସମ୍ଭ୍ରମେ ଜୀଇଁବା ଶିଖ । 

ଦେଖିବ ଜୀବନଟା ଭାରି ସହଜ ଓ ଲାଗିବ ସୁଖ।(୧) 

ଈଶ୍ୱର ନିବେଦ୍ୟ ପୁଷ୍ପାଞ୍ଜଳି  

ଦେବଗାୟକ ତୁମେ । 

ଶୁଭ ଇଚ୍ଛାମାନଙ୍କର ତୁମେ ପୁଷ୍ପଦଳ । 

ଶ୍ରଦ୍ଧାଯୁକ୍ତ ବ୍ୟଗ୍ର ଭାବ ତୁମେ ତ ଅସାଧାରଣ। 

ଯୌନ ପିପାସୁ ହୀନ ବୁଦ୍ଧି ଅମଣିଷ ଠୁଁ 

ଢେର୍ ଉଚ୍ଚ ତୁମ ସ୍ଥାନ । (୨) 

ଶିଷ୍ଟତାସମ୍ମତ ସମାଜକୁ କରେ ବିନତି ;

ଲିଙ୍ଗ ପ୍ରଭେଦେ ବିକୃତ ମାନସିକତା ରଖନା କତି  

କଷ୍ଟ ଦେଇ ଆନେ  ଶାନ୍ତି ସାଉଁଣ୍ଟିଲେ 

ବ୍ୟଥକ ସାଜିବ ସୁଖ ଜାଣିଥା ଭଲେ । (୩) 

      ( ବ୍ୟଥକ - ଯନ୍ତ୍ରଣାଦାୟକ)