ପ୍ରେମ

ମୁକ୍ତ ଆକାଶରେ ଭାସଇ ଯେବେ 

           ମେଘ ସହ ବାଦଲ

ଦିଶେ ତୋର ଫୁଲ ପରି ଶଶୀ ର

         କି ସେ ମନୋହର ||

ନାଚି ନାଚି ହସି କହେ

         ସେ ପୁଷ୍କରିଣୀ ରେ କଇଁ

ଜହ୍ନ ଆଜି ତାକୁ ସତେ କି

          ଦେଉଛି କିଛି ଉପହାର ||

ମେଘ ସହ ଜହ୍ନ ର ଯେଉଁ

         ମିଳନ ସମାହାର

ଦେଖିଲେ ଲାଗୁଚି କି ମଜାଦାର

       ସତେକି ଶଶୀ ଆଜି କଇଁ ର ବିବାହ ଘର ||

କଇଁ ଫୁଲେଇ ରାଣି ଜହ୍ନ କୁ ଦେଖି

             ଖେଳେ ଲୁଚକାଳି

ମେଘ ସହ ମିଶି ଜହ୍ନ ଖୋଜେ

           ଲାଗେ ଯେମିତି ଦୌଡ଼ିଲା ପରି ||

ତାରା ଗଣ ଦେଖି ଏହି

         ମନ ଲୋଭା ଦୃଶ୍ୟ

କହୁଛନ୍ତି କଇଁ କି ଥଟ୍ଟା କରି

        ଏ ମିଳନ ଯୁଗ ଯୁଗ ଧରି ||

ଜହ୍ନ ସହ ତୋର ଏ କି ବନ୍ଧୁତ୍ୱ

         ଏମିତି କେମିତି ହୋଇଛି

ଦୂର ରାଇଜର ସେ ରାଜକୁମାର

        ପାଇଲା ତତେ ଭଲ କିପରି ||

ଲାଜେ ଲାଜେ କଇଁ ଦେଲା ବତାଇ

            ମୁଁ ବା ଏ ଛନ୍ଦ କି ଜାଣିଛି

ତତେ ଯିଏ ଗଢିଛି ମତେ ସେ ଗଢିଛି

           ସେହି ହିଁ ଏ ସଂଯୋଗ ଯୋଡ଼ିଛି ||