ପ୍ରେମ

ପ୍ରେମତ ଶାଶ୍ୱତ ପ୍ରେମ ଚିରନ୍ତନ

       ଅମୃତ ର ବାରିଧାରା l

ପାନ କରି ସୁଧା ପ୍ଲାବିତ

       ହୃଦୟ ମରୁଭୂମି  ପରା l

ଅପ୍ରାପ୍ତି  ମଧ୍ୟେ ପ୍ରାପ୍ତି ନିଶା

      ଅନ୍ତରରେ ଦିଏ  ଭରି l

ଅପୂର୍ଣ୍ଣତା ଲଭି ପୂର୍ଣ୍ଣତାର ଭାବ

       ମନରେ ଯାଏ ସଞ୍ଚରି l

ପ୍ରେମର ଦହନ କେଡେତ ଗହନ

      ଜାଣେ ଦହିତ ପ୍ରାଣ l

ଆବାହନେ କୃଷ୍ଣ ବାଉଥିଲେ ବଂଶୀ

       ବ୍ୟଥିତ ରାଧା ର ମନ l

Advertisement

r>

ରାଧାକୃଷ୍ଣ ପ୍ରେମ ସଦା ବନ୍ଦିତ

       ବିରହରେ ପ୍ରେମ ଭରା l

ସ୍ବର୍ଗୀୟ ଆନନ୍ଦ ପ୍ରୀତିର ସୁଗନ୍ଧେ

      ବିତରିଲେ ଜଗତ  ସାରା l

ଅସମ୍ମତି ଭାବେ ଥାଏ ସମ୍ମତି

      ବୁଝିଗଲା ପରେ  ଥରେ l

ଜୀବନ ବହ୍ନିରେ ଝାସ ଦେଇ

      ଶୀତଳତା ପ୍ରାଣେ ଭରେ l

ତନୁସିନା ନଲଭେ ପ୍ରେମ ପରସ

      ହୃଦ  କରୁଥାଏ ସ୍ନାନ l

ଜର୍ଜରିତ ହୁଏ ପ୍ରେମ ଆସ୍ପାଦନେ

       ପ୍ରାପ୍ତି ଅପ୍ରାପ୍ତି ସବୁସମାନ l