ପ୍ରେମ

ପ୍ରେମ ବୋଲି ଯେଉଁ ଅଢେ଼ଇ ଅକ୍ଷର

ଆଣିଦେଲା ପ୍ରତାରଣା

ପ୍ରେମ ନାମେ ଯେଉଁ ନଦୀ ବହିଗଲା

ଦେଲା ଅନେକ ଯନ୍ତ୍ରଣା,

ସେ ପ୍ରେମ ନଦୀରେ ବୁଡ଼ ପକାଇଲି

ପାଇଲି କେତେ ଯାତନା

ପ୍ରେମ ବୋଲି ଯେଉଁ

ପ୍ରୀତିର ଗୋଲାପ ତୋଳିବାକୁ ଗଲି

ହାତରେ ଗଳିଲା କଣ୍ଟା

ସାହି ପଡ଼ିଶା ଏ' ଦେଖେଇ ଶିଖେଇ

ମାରିଲେ ଅନେକ ଚୁଣ୍ଟା,

ସଭିଏଁ ଚାହିଁଲେ ମେଣ୍ଟାଇବା ପାଇଁ

ନିଜର କାମ ବାସନା

ପ୍ରେମ ବୋଲି ଯେଉଁ

ତୋଳିଥିଲି ଯେଉଁ ଆଶାର ସଉଧ

ପ୍ରଣୟ ସପନେ ମାତି

ହାତଧରି ଯା'ର ବାଟ ଚାଲୁଥିଲି

ନରଖି ମନରେ ଭୀତି,

ପଳାତକ ସାଜି କେଉଁଠି ଲୁଚିଲା

ନ' ପାଏ ତାର ଠିକଣା

ପ୍ରେମ ବୋଲି ଯେଉଁ