ପ୍ରେମ
ପ୍ରେମ
ପ୍ରେମ ଗୋଟେ ଉପନ୍ୟାସ
ପ୍ରେମ ଗୋଟେ ଇତିହାସ
ଆରମ୍ଭଟା କେଉଁ ଆଦିମ କାଳରୁ
ନାହିଁ ଯା’ର କେବେ ଶେଷ ।0।
ପ୍ରେମ ଗୋଟେ ଉପନ୍ୟାସ…
ବୟସ ବହଳ ସାଗର ବେଳାରେ,
ଦେଖା ହୁଏ କିଏ କେବେ କେଉଁଠାରେ ।
ହେଇପାରେ ସେଟା ପ୍ରେମର ପ୍ରାରମ୍ଭ,
ପ୍ରେମ ପରେ ପରେ ସପନ ଆରମ୍ଭ ।
ସପନରୁ କିଛି ସତ ହୁଏ ସିନା
ରହେ ମେଞ୍ଚେ ଅବଶୋଷ ।୧।
ପ୍ରେମ ଗୋଟେ ଉପନ୍ୟାସ…
ସବୁ କାହାଣୀର ଥାଏ ଗୋଟେ ମୋଡ଼,
ଘନ ବନାନୀରେ ଲାଗିପାରେ ଭିଡ଼
ଭିଡ଼ ଭାବନାରେ ଆଶାର ପାଉଣା,
ହୁଏତ ମିଳିବ ପୁଳେ ପ୍ରତାରଣା ।
ବିଚ୍ଛେଦ ନିଆଁ ରେ ମୃତ୍ୟୁ ହୁଏ ସିନା
ଜଳିବା ହୁଏନି ଶେଷ ।୨।
ପ୍ରେମ ଗୋଟେ ଉପନ୍ୟାସ…
© ଦେଵପ୍ରକାଶ ସାହୁ